Nehemias 5:19 - Marahay na Bareta Biblia

¹⁹ O Dios, namimibi ako, na para sa karahayan ko, giromdomon mo an gabos na ginibo ko para sa banwaan na ini.

Nehemias 5:19 ပူးပေါင်းရင်းမြစ်များ

Genesis 40:14

Alagad giromdoma man ako kun nasa marahay ka nang kamugtakan, na maonabihan mo ako sa hade asin matabangan na makaluwas digdi sa bilanggoan.

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

Nehemias 13:14

Giromdoma, Dios ko, an mga ginibo kong ini para sa saimong Templo asin sa paglingkod diyan.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Nehemias 13:31

Ihinusay ko an pagdadara kan mga kahoy para sa mga atang sa talaan na mga panahon, siring man an pagdadara kan mga tawo kan trigo, saka enot na mga bunga nin kahoy. Giromdoma an gabos na ini, Dios ko, asin itao mo sako an maninigong balos.

Salmo 106:4

Giromdoma ako, Kagurangnan, kun tinatabangan mo an saimong banwaan. Ibahan ako kun sinda tinatawan mo nin kaligtasan.

Salmo 40:17

Maluya ako saka dukha, Kagurangnan, alagad dai mo linilingawan. Ika an sakuyang tabang asin paraligtas; hare paghaloy, O sakuyang Dios!

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Mateo 10:42

An siisay man na magpainom nin maski sarong basong tubig sa saro kan pinakasadit na disipulo ko huli ta siya sakong disipulo, totoong maako nin balos.”

Markos 9:41

Sa katotoohan sinasabihan ko kamo, an siisay man na magpainom saindo nin tubig huli ta kamo sadiri ko, dai mawawaraan nin balos.”