Nehemias 5:11 - Marahay na Bareta Biblia

¹¹ Patawada an gabos nindang utang saindo; iuli nindo ngunyan man sanang aldaw an saindang mga oma, mga ubasan, mga tatamnan nin oliba, mga harong, mga kwarta, trigo, arak, saka lana.”

Nehemias 5:11 ပူးပေါင်းရင်းမြစ်များ

2 Samuel 12:6

Huli sa karatan na ginibo niya asin huli ta dai siya naherak, kaipuhan na bayadan niya nin apat na beses an halaga kan saiyang kinua.”

Nehemias 5:10

An satong mga tugang pinautang ko nin kwarta saka pagkakan; pinautang man sinda kan sakong mga kairiba asin mga sorogoon. Kaya lingawan na nyato an kaisipan nin pagsingil sa pautang.

Nehemias 5:12

Nagsirimbag an mga lider, “Kukuyogon mi an sinabi mo. Iuuli mi an pagsadiri ninda asin dai mi na sisingilon an samong mga pautang.” Inapod ko an mga padi asin pinasumpa an mga lider sa atubang ninda tanganing otobon ninda an saindang panuga.

Isaias 58:6

“An pag-ayuno na boot ko iyo ini: Tangkason nindo an kadena nin pang-aapi asin an sakal nin inhustisya, saka talingkasan nindo an mga naaapi.

Lukas 3:8

Ipahiling nindo sa gibo na kamo nagbakle na. Dai kamo mangahas na mag-isip na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Deuteronomio 6:11

nin mga harong na pano nin mga bagay na marahay na dai man nindo ilinaog, asin nin mga bubon na dai man nindo kinalot, nin mga ubas saka mga oliba na dai man nindo itinanom. Kun darahon na kamo nin Kagurangnan sa dagang iyan, asin kun igwa na kamo kan gabos na boot nindong kakanon,

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”