Nehemias 4:6 - Marahay na Bareta Biblia

⁶ Kaya ipinadagos mi an paghirahay kan kudal; dai nahaloy naabot mi an kabangaan kan langkaw kaini, huli ta bilog an boot kan mga tawo sa pagtrabaho.

Nehemias 4:6 ပူးပေါင်းရင်းမြစ်များ

1 Mga Cronica 29:14

“Alagad siisay man ako asin an sakong banwaan na makakakayang magtao nin boluntad na dolot saimo? Huli ta sa saimo gikan an gabos na bagay, asin samuya man sanang ibinabalik an sadiri mo.

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

Nehemias 4:5

Hare pagpatawada an saindang gibong maraot asin hare paglingawe an saindang mga kasalan, huli ta ininsulto ninda kami na nagtutugdok.”

Nehemias 4:7

Naanggot nin makuri si Sanballat, si Tobias, asin an mga Arab, mga Ammonita, saka an mga Asdodita kan madangog ninda na padagos an paghirahay mi kan mga kudal nin Jerusalem asin na nagkasurulat mi na an mga labot kaini.

Nehemias 6:15

Pakatapos nin singkwenta y dos na aldaw nin pagtrabaho, natapos an bilog na kudal kan ikabeynte y singkong aldaw kan bulan nin Elul.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 122:3

An Jerusalem pinatugdok bilang sarong syudad na masarig.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.