Nehemias 4:3 - Marahay na Bareta Biblia

³ Nagsabi man si Tobias na Ammonita na nakatindog sa kataed niya, “Anong klaseng kudal an itutugdok ninda? Marurumpag sana iyan kun sakatan nin sarong lobo!”

Nehemias 4:3 ပူးပေါင်းရင်းမြစ်များ

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

1 Mga Hade 20:18

Nagboot siya, “Dakopon sindang buhay, maski madigdi sinda sa pakiiwal o paghagad nin katoninongan an ipinagdigdi ninda.”

2 Mga Hade 18:23

Inaagyat ko siya sa ngaran kan emperador: tatawan ko siya nin duwang ribong kabayo kun makakakua siya nin siring kadakul na lalaki na malunad diyan!

Nehemias 2:10

Nabaretaan ni Sanballat na taga Bet-horon asin ni Tobias na sarong opisyal sa probinsya nin Ammon, na igwang nagdatong tanganing magtrabaho para sa karahayan kan Israelita asin naanggot sinda nin makuri.

Nehemias 2:19

Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

Nehemias 6:1

Nabaretaan ni Sanballat, ni Tobias, ni Gesem na Arab, asin kan gabos nyamong kaiwal na natapos mi na an paghirahay kan kudal saka mayo na ini nin mga labot, maski dai pa nyamo ikinabugtak an mga trangkahan.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Deuteronomio 23:3

“An mga Ammonita o mga Moabita, saka an saindang kapagarakian sagkod sa ikasampolong henerasyon, dai pwedeng ibilang sa banwaan nin Kagurangnan.