Nehemias 4:21 - Marahay na Bareta Biblia

²¹ Kaya aroaldaw, poon aga sagkod pagtunga kan mga bitoon sa banggi, an kabanga nagtrabaho sa kudal mantang an kabanga nagbantay na may darang mga garod.

Nehemias 4:21 ပူးပေါင်းရင်းမြစ်များ

Nehemias 4:20

Kun madangog nindo an tanog kan trompeta, magdaralagan kamo pasiring sako. An satuyang Dios an makikilaban para sato.”

Nehemias 4:22

Sinabihan ko pa kaidto an mga lalaking namamahala na sinda asin an gabos nindang katabang maontok kun banggi sa Jerusalem tanganing mabantayan mi an syudad kun banggi asin makapagtrabaho kun aldaw.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Galacia 6:9

Kaya dai kita mapagal sa paggibo nin karahayan; huli ta kun dai kita magmaluya, maabot an panahon na maani kita.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.