Nehemias 4:14 - Marahay na Bareta Biblia

¹⁴ Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Nehemias 4:14 ပူးပေါင်းရင်းမြစ်များ

2 Samuel 10:12

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay!”

2 Mga Cronica 32:7

“Magmakosog kamo saka magmaisog. Dai kamo matakot sa emperador nin Asiria asin sa bilog na hukbo na kaiba niya, huli ta kaiba ta an sarong mas dakula ki sa kaibahan niya.

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

An Libro ni Job 37:22

Nahihiling sa amihan an bulawan na kinang, asin natatakot kita huli sa kamurawayan nin Dios.

Salmo 143:5

Ginigiromdom ko an mga aldaw kaidto; mga gibo mo hinohorophorop ko; iniisip-isip an saimong mga ginibo.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 65:5

Sinisimbag mo kami huli sa pagtao samo nin kapangganahan, O Dios nin samong kaligtasan. Minasarig saimo an gabos na tawo sa gabos na poro nin daga, sagkod sa pinakaharayong mga dagat.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 66:5

Madya asin hilinga an ginibo nin Dios, an makangangalas niyang mga gibo sa tahaw nin katawohan.

Exodo 14:14

An Kagurangnan an makikipaglaban para sa saindo. Mayo kamong gigibohon maski ano man.”

Exodo 14:25

Kaya nakalubong an mga rweda kan saindang karwahe kaya nagin masakit an paglamag ninda. Nagsabi an mga Egipcio, “An Kagurangnan an nakikilaban para sa mga Israelita. Magharale na kita digdi!”

Parahulit 12:1

Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Daniel 11:32

Huli sa pandadaya, madadagka kan hade an mga nagtalikod sa saindang relihiyon, alagad makikilaban saiya an mga nagsasamba sa Dios.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Deuteronomio 1:21

Hilinga nindo an daga; lakaw kamo asin sakopon nindo siring sa ipinagboot niya. Dai kamo magduwa-duwa o matakot.’

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Hebreyo 13:6

Kaya makosog an boot na makakapagsabi kita, “Tatabangan ako kan Kagurangnan; dai ako matatakot. Ano an magigibo nin tawo tumang sako?”

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Hukom 3:27

Pag-abot niya duman sa mabulod na daga nin Efraim, pinatanog niya an trompeta tanganing apodon para sa pakilaban an kalalakihan nin Israel. Hale sa kabubuldan, pinangenotan niya sinda.