Nehemias 3:4 - Marahay na Bareta Biblia

⁴ An naghirahay kan sunod na kabtang iyo si Meremot na aking lalaki ni Urias asin makoapo ni Hakkoz. An sunod na kabtang hinirahay ni Mesullam, na aking lalaki ni Berekias asin makoapo ni Mesezabel. Si Zadok na aking lalaki ni Baana iyo an naghirahay kan sunod na kabtang.

Nehemias 3:4 ပူးပေါင်းရင်းမြစ်များ

Esdras 2:61

An mga kamaganakan kan mga padi na ini dai man nakakua nin mga talaan na makakapatotoo kan saindang ginikanan: Habaias, Hakkoz, asin Barzillai. (An ginikanan kan kamaganakan ni Barzillai nakaagom nin sarong babae na gikan sa kamaganakan ni Barzillai nin Gilead, dangan inarog an ngaran kan kamaganakan nin saiyang panugangan.) Dai sinda inako bilang mga padi huli ta dai ninda napatotoohan an saindang mga ginikanan.

Esdras 8:33

Kan ikaapat na aldaw, nagduman kami sa Templo, tinimbang an plata, an bulawan asin an mga kagamitan, dangan itinao nyamo an mga ini sa padi na si Meremot an aking lalaki ni Urias. Kaiba niya si Eleazar na aking lalaki ni Finehas asin an duwang Levita na si Jozabad na aking lalaki ni Jesua dangan si Noadias na aking lalaki ni Binnui.

Nehemias 3:21

Si Meremot, na aking lalaki ni Urias asin makoapo ni Hakkoz, iyo an naghirahay kan sunod na kabtang sagkod sa poro kan harong ni Eliasib.

Nehemias 3:3

An kamaganakan ni Hassenaa iyo an naghirahay kan Trangkahan nin Sira. Ibinugtak ninda an mga kahalabaan asin an mga trangkahan sa tamang lugar dangan ibinugtak man ninda an mga barat saka mga bisagra kaini.

Nehemias 3:30

Si Ananias na aking lalaki ni Selemias saka si Hanun na ikaanom na aking lalaki ni Zalaf iyo an naghirahay kan sunod na kabtang; ini an ikaduwang kabtang na hinirahay ninda. Si Mesullam, na aking lalaki ni Berekias, iyo an naghirahay kan sunod na kabtang, na kahampang kan saiyang sadiring harong.

Nehemias 3:5

An naghirahay kan sunod na kabtang iyo an mga lalaking taga Tekoa, alagad an mga lider kan banwang ini nagsayumang maggibo kan trabahong itinao sainda kan mga parapamahala.

Nehemias 6:18

Kadakul na taga Juda an nanumpa na maapil saiya huli ta manugang siya kan Judiong si Secanias, na aking lalaki ni Ara. Laen pa kaini naagom kan aki niyang si Jehohanan an aking babae ni Mesullam na aking lalaki ni Berekias.

Nehemias 7:63

An mga kamaganakan kan mga padi na ini dai man nakakua nin mga talaan na makakapatotoo kan saindang ginikanan: Hobaias, Hakkoz, asin Barzillai. (An sarong ginikanan kan kamaganakan ni Barzillai nakaagom nin sarong babae na gikan sa kamaganakan ni Barzillai nin Gilead, dangan inarog an ngaran kan kamaganakan nin saiyang panugangan na lalaki.) Dai sinda inako bilang mga padi nin huli ta dai ninda napatotoohan an saindang mga ginikanan.