Nehemias 3:32 - Marahay na Bareta Biblia

³² An mga alahero saka an mga negosyante iyo an naghirahay kan huring kabtang, magpoon sa itaas na kwarto na nasa kanto kan kudal sagkod sa Trangkahan kan Karnero.

Nehemias 3:32 ပူးပေါင်းရင်းမြစ်များ

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 3:1

Arog kaini an paghirahay ninda sa naraot na kudal. An Halangkaw na Padi na si Eliasib asin an kapwa niya mga padi an naghirahay kan Trangkahan nin Karnero, nagkonsagra kaiyan asin nagbugtak kan mga trangkahan. Kinonsagra ninda an kudal sagkod sa Tore kan Sanggatos asin sa Tore ni Hananel.

Nehemias 3:31

Si Malkias na alahero an naghirahay kan sunod na kabtang, sagkod sa edipisyo na ginamit kan mga trabahador sa Templo asin kan mga negosyante. An edipisyong ini kahampang kan Trangkahan nin Mifkad, harani sa itaas na kwarto na nasa kanto kan kudal.

Nehemias 3:8

An sunod na kabtang hinirahay ni Uzziel na aking lalaki ni Harhaias, na sarong alahero. Si Hananias, na sarong paragibo nin mga pahamot, iyo an naghirahay kan sunod na kabtang sagkod sa Halakbang na Kudal.

Juan 5:2

Duman sa Jerusalem, sa may Trangkahan kan Karnero, igwa nin sarong tangke nin tubig na sa Hebreyo inaapod Betesda. Igwa ini nin limang balkon.