Nehemias 3:3 - Marahay na Bareta Biblia

³ An kamaganakan ni Hassenaa iyo an naghirahay kan Trangkahan nin Sira. Ibinugtak ninda an mga kahalabaan asin an mga trangkahan sa tamang lugar dangan ibinugtak man ninda an mga barat saka mga bisagra kaini.

Nehemias 3:3 ပူးပေါင်းရင်းမြစ်များ

2 Mga Cronica 33:14

Pakatapos kaini, nagtugdok si Manases nin sarong panluwas na kudal para sa Syudad ni David, sa parteng solnopan, poon sa kapantayan na harani sa Burabod nin Gihon sagkod sa Trangkahan nin Sira asin sa palibot kan syudad nin Ofel. Pinahalangkaw niya an panluwas na kudal na ini asin nagbugtak siya nin mga opisyal nin hukbo sa gabos na pinapusog na syudad nin Juda.

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Nehemias 3:4

An naghirahay kan sunod na kabtang iyo si Meremot na aking lalaki ni Urias asin makoapo ni Hakkoz. An sunod na kabtang hinirahay ni Mesullam, na aking lalaki ni Berekias asin makoapo ni Mesezabel. Si Zadok na aking lalaki ni Baana iyo an naghirahay kan sunod na kabtang.

Nehemias 3:6

An naghirahay kan Daan na Trangkahan iyo si Jehoiada na aking lalaki ni Pasea asin si Mesullam na aking lalaki ni Besodeias. Ibinugtak ninda an mga kahalabaan, an mga trangkahan, mga barat saka mga bisagra kaini.

Nehemias 6:1

Nabaretaan ni Sanballat, ni Tobias, ni Gesem na Arab, asin kan gabos nyamong kaiwal na natapos mi na an paghirahay kan kudal saka mayo na ini nin mga labot, maski dai pa nyamo ikinabugtak an mga trangkahan.

Nehemias 7:1

Nahirahay na ngunyan an kudal, ikinabugtak na an mga trangkahan dangan itinalaan na sa mga bantay kan Templo, sa mga parakanta, asin sa mga Levita an saindang mga trabaho.

Salmo 147:13

Huli ta pinapakosog niya an mga trangkahan mo; benebendisyonan niya an mga kaakian mo.

Sofonias 1:10

“Sa aldaw na idto,” an sabi nin Kagurangnan, “madadangog nindo an paghibi sa Trangkahan nin Sira sa Jerusalem. Madadangog nindo an inagrangay sa bagong kabtang kan syudad asin an dakulang ribok nin pagkarumpag sa kabubuldan.