Nehemias 3:15 - Marahay na Bareta Biblia

¹⁵ An Trangkahan nin Burabod hinirahay ni Sallum na aking lalaki ni Colhoze, na kagsakop kan Distrito nin Mizpa. Inatopan niya an Trangkahan dangan ibinugtak an mga pinto, an mga barat, saka mga bisagra. Itinugdok niya an kudal kan Tangke nin Tubig nin Shela sa kataed kan tatamnan kan hade, sagkod sa mga paibabang hagdan kan Syudad ni David.

Nehemias 3:15 ပူးပေါင်းရင်းမြစ်များ

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

2 Mga Hade 25:4

nalagbas an mga kudal kan syudad. Maski napapalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa tahaw nin duwang kudal, na harani sa tatamnan kan hade. Nagdulag sinda pasiring sa Araba.

2 Mga Cronica 32:30

An Ezekias na ini iyo an nagsulat kan agihan nin tubig na hale sa Burabod nin Gihon dangan pinabulos niya an tubig pasiring sa solnopan na parte kan Syudad ni David. Nagin mauswag si Ezekias sa gabos niyang gibo.

Nehemias 12:37

Nagpadagos an grupong ini sa Trangkahan nin Burabod, nagsakat sa hagdan na pasiring sa Syudad ni David, nag-agi sa palasyo ni David, dangan nagbalik sa kudal na harani sa Trangkahan nin Tubig, sa sirangan na parte kan syudad.

Nehemias 2:14

Dangan nagpasiring ako sa Trangkahan nin Burabod asin sa Sapa kan hade, alagad an asno na sakong nalulunadan mayong maagihan sa mga ragpa.

Nehemias 2:17

Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 3:12

An sunod na kabtang hinirahay ni Sallum na aking lalaki ni Hallohes na kagsakop kan kabanga kan Distrito nin Jerusalem. Kaiba niya sa pagtrabaho an saiyang mga aking babae.

Nehemias 3:14

An naghirahay kan Trangkahan nin mga Ati iyo si Malkias na aking lalaki ni Recab, na kagsakop kan Distrito nin Bet-hakerem. Hinirahay niya ini asin ibinugtak an mga trangkahan, an mga barat, saka an mga bisagra.

Nehemias 3:19

Si Ezer na aking lalaki ni Jesua, na kagsakop kan Mizpa, iyo an naghirahay kan sunod na kabtang na kahampang kan lugar na sarayan kan mga armas, sagkod sa pagliko kan kudal;

Nehemias 3:7

Si Melatias na taga Gibeon, si Jadon na taga Meronot asin an kalalakihan kan Gibeon saka Mizpa iyo an naghirahay kan sunod na kabtang, sagkod sa erokan kan gobernador kan probinsya sa ibong kan Salog nin Eufrates.

Nehemias 3:9

An sunod na kabtang hinirahay ni Refaias na aking lalaki ni Hur asin kagsakop kan kabanga kan Distrito nin Jerusalem.

Parahulit 2:6

Naggibo ako nin mga patubig tanganing magtao nin tubig sa nagtatalubong mga kahoy.

Isaias 8:6

“Huli ta an mga tawong ini habo kan matoninong na katubigan hale sa burabod nin Siloa, asin nagtatakig sa atubang ni Hadeng Rezin saka ni Hadeng Peka,

Jeremias 40:6

Nagduman ako ki Gedalias sa Mizpa saka nag-erok sa kaibahan kan mga tawo na nawalat sa daga nin Juda.

Lukas 13:4

Idtong dyes y otso katawong nagkagaradan kan marumpagan kan tore sa Siloe, sa paghona nindo mas maraot sinda ki sa ibang mga tawong nag-eerok sa Jerusalem?

Juan 9:7

Nagsabi siya sa buta, “Dumuman ka sa tangke nin tubig sa Siloe, dangan maglabar ka duman.” (An boot sabihon kan Siloe, “Sinugo.”) Ginibo ini kan lalaki, asin pagbalik niya nakakahiling na siya.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.

Hukom 20:3

An pangyayaring ini, na nagtiripon an ibang mga Israelita sa Mizpa, naaraman kan mga Benjaminita. Naghapot an mga Israelita, “Sabihan samo kun paano nangyari an karatan na ini?”