Nehemias 3:1 - Marahay na Bareta Biblia

¹ Arog kaini an paghirahay ninda sa naraot na kudal. An Halangkaw na Padi na si Eliasib asin an kapwa niya mga padi an naghirahay kan Trangkahan nin Karnero, nagkonsagra kaiyan asin nagbugtak kan mga trangkahan. Kinonsagra ninda an kudal sagkod sa Tore kan Sanggatos asin sa Tore ni Hananel.

Nehemias 3:1 ပူးပေါင်းရင်းမြစ်များ

Nehemias 12:10

Si Josue iyo an ama ni Joiakim na ama ni Eliasib; si Eliasib iyo an ama ni Jehoiada,

Nehemias 12:30

Ginibo kan mga padi saka mga Levita an seremonya nin paglinig para sa sadiri, sa mga tawo, sa mga trangkahan, asin kudal kan syudad.

Nehemias 12:39

Hale duman inagihan mi an Trangkahan ni Efraim, an Daan na Trangkahan, an Trangkahan nin Sira, an Tore ni Hananel, asin an Tore kan Sanggatos, dangan nagpasiring kami sa may Trangkahan kan Karnero. Nag-ontok kami sa may trangkahan pasiring sa Templo.

Nehemias 13:28

Si Jehoiada na aki ni Eliasib na Halangkaw na Padi, igwa nin sarong aki na nag-agom sa aking babae ni Sanballat na taga Bet-horon, kaya pinahale ko si Jehoiada sa Jerusalem.

Nehemias 13:4

Marahay kaidto an pakiiba ki Tobias kan padi na si Eliasib, na namamahala kan mga kwartong sarayan kan Templo.

Nehemias 3:20

An sunod na kabtang hinirahay ni Baruc na aking lalaki ni Zabbai, magpoon sa pagliko kan kudal sagkod sa pintoan kan harong kan Halangkaw na Padi na si Eliasib;

Nehemias 3:21

Si Meremot, na aking lalaki ni Urias asin makoapo ni Hakkoz, iyo an naghirahay kan sunod na kabtang sagkod sa poro kan harong ni Eliasib.

Nehemias 3:32

An mga alahero saka an mga negosyante iyo an naghirahay kan huring kabtang, magpoon sa itaas na kwarto na nasa kanto kan kudal sagkod sa Trangkahan kan Karnero.

Nehemias 6:1

Nabaretaan ni Sanballat, ni Tobias, ni Gesem na Arab, asin kan gabos nyamong kaiwal na natapos mi na an paghirahay kan kudal saka mayo na ini nin mga labot, maski dai pa nyamo ikinabugtak an mga trangkahan.

Nehemias 7:1

Nahirahay na ngunyan an kudal, ikinabugtak na an mga trangkahan dangan itinalaan na sa mga bantay kan Templo, sa mga parakanta, asin sa mga Levita an saindang mga trabaho.

Salmo 30:1

Oomawon taka, Kagurangnan, huli ta ilinigtas mo ako asin dai mo itinugot na pagngisihan ako kan sakong mga kaiwal.

Salmo 48:12

Banwaan nin Dios, lakaw sa palibot nin Sion asin bilanga an mga tore;

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Mga Talinhaga 3:9

Tawe nin kaomawan an Kagurangnan sa paagi nin pagdolot saiya kan pinakamarahay na bunga kan saimong daga.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Zacarias 14:10

An bilog na daga, magpoon sa Geba sa amihan sagkod sa Rimmon sa habagat, magigin sarong kapatagan. Alagad magdadanay na halangkaw an Jerusalem ki sa ibang daga sa palibot kaini; an syudad minapoon sa Trangkahan ni Benjamin sagkod sa Trangkahan sa Kanto, sa namumugtakan kaidto kan enot na trangkahan, asin minapoon sa Tore ni Hananel sagkod sa mga pugaan nin ubas kan hade.

Juan 5:2

Duman sa Jerusalem, sa may Trangkahan kan Karnero, igwa nin sarong tangke nin tubig na sa Hebreyo inaapod Betesda. Igwa ini nin limang balkon.

Deuteronomio 20:5

“Dangan masabi sa hukbo an mga opisyal, ‘Igwa digdi sa saindong nagtugdok nin harong asin dai pa nag-erok duman? Kun igwa, magpuli na siya; tibaad magadan siya sa gera asin iba an mag-erok sa saiyang harong.