Nehemias 2:6 - Marahay na Bareta Biblia

⁶ An emperador na kaidto nakatukaw na kataed an reyna, nagtugot sa kahagadan ko. Hinapot niya ako kun mahahaloy ako sa Juda saka kun nuarin ako mabalik, kaya sinabihan ko siya.

Nehemias 2:6 ပူးပေါင်းရင်းမြစ်များ

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 13:6

Kan nangyari ini, mayo ako sa Jerusalem huli ta kan ikatreynta y dos na taon kan pagigin emperador ni Artajerjes sa Babilonia, nagbalik ako sa hade. Dai nahaloy, nagpaaram ako sa emperador

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Nehemias 2:5

dangan nagsabi ako sa emperador, “Kun pagmarahayon mo, asin kun nawilihan mo ako, tugotan mo akong magduman sa Juda, sa syudad na namumugtakan kan mga lulubngan kan sakong mga ginikanan, tanganing patindogon ko giraray an syudad.”

Nehemias 5:14

Sa bilog na doseng taon kan sakong pagigin gobernador sa daga nin Juda, magpoon kan ikabeynte sagkod sa ikatreynta y dos na taon kan pagigin emperador ni Artajerjes, ako asin an sakong kadugo dai nagkakan kan kakanon na talaan para sako bilang gobernador.

Isaias 58:12

Papatindogon giraray nindo an haloy nang nagkararaot na mga edipisyo sa dati kaining pundasyon. Mimidbidon kamo bilang mga tawong naghirahay kan mga kudal, mga tawong nagpakarhay kan raot na mga harong.”

Isaias 61:4

Papakarhayon ninda an mga syudad na haloy nang nagkararaot.

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.