Nehemias 2:5 - Marahay na Bareta Biblia

⁵ dangan nagsabi ako sa emperador, “Kun pagmarahayon mo, asin kun nawilihan mo ako, tugotan mo akong magduman sa Juda, sa syudad na namumugtakan kan mga lulubngan kan sakong mga ginikanan, tanganing patindogon ko giraray an syudad.”

Nehemias 2:5 ပူးပေါင်းရင်းမြစ်များ

2 Samuel 14:22

Nagdapa si Joab sa daga sa pagtaong galang ki David dangan nagsabi, “Bendisyonan ka logod nin Dios, mahal na hade! Ngunyan naaaraman ko nang nawiwili ka sako, huli ta itinugot mo an sakong kahagadan.”

Esdras 5:17

“Kaya, Mahal na Emperador, kun pagmarahayon mo, ipahalungkat mo an mga libro kan mga hade diyan sa Babilon tanganing maaraman kun totoo mananggad na nagboot si Emperador Ciro na itugdok giraray an Templo sa Jerusalem, dangan paisihon mo man kami dapit sa bagay na ini.”

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Nehemias 2:6

An emperador na kaidto nakatukaw na kataed an reyna, nagtugot sa kahagadan ko. Hinapot niya ako kun mahahaloy ako sa Juda saka kun nuarin ako mabalik, kaya sinabihan ko siya.

Esther 1:19

Kaya kun pagmarahayon kan Mahal na Hade, magpaluwas ka nin sarong pagboot na si Vasti dai na nanggad makaatubang sa hade. An pagboot na ini iiba mo sa mga katogonan kan Persia saka Media tanganing dai mabago. Dangan itao mo an saiyang katongdan bilang reyna sa sarong mas marahay na babae.

Esther 5:8

kun nawilihan ako kan hade asin kun pagmarahayon niya na itao an sakong kahagadan saka otobon ini, boot kong alokon ka asin si Haman sa saro pang bangkete na aandamon ko sa aga para saindo. Sa aga, sisimbagon ko an hapot kan hade.”

Esther 7:3

Nagsimbag si Reyna Esther, “Kun mawilihan kan Mahal na Hade na itao an sakong kahagadan, an sakong mawot iyo na ako mabuhay siring man an sakong mga kahimanwa.

Esther 8:5

“Kun mawilihan kan hade, saka kun may pagmakulog ka sako asin kun pagmarahayon mo, ipasurat mo an sarong pagboot tanganing mahalean nin halaga an pagboot ni Haman na aking lalaki ni Hammedata, na Agageo—an pagboot na itinao niya para sa pagpuho kan gabos na Judio sa imperyo.

Mga Talinhaga 3:4

Kun gibohon mo iyan, mawiwili saimo an Dios asin magigin marahay an saimong ngaran sa mata nin tawo.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Mateo 23:27

“Herak man saindo, mga paratukdo kan Katogonan asin mga Fariseo! Mga parasagin-sagin! Kaagid kamo kan pinagayon na mga pantyon na malinig paghilingon sa luwas, alagad sa laog pano nin mga tolang asin nin manlaen-laen na ati.

Ruth 2:13

Nagsimbag si Ruth, “Maboot ka sako. Natawan mo ako nin kaalingan huli sa marahay na pakipag-olay mo sako, maski ngani dai ako makapantay sa saimong mga sorogoon.”