Nehemias 2:4 - Marahay na Bareta Biblia

⁴ Hinapot ako kan hade, “Ano an boot mo?” Namibi ako sa Dios nin langit,

Nehemias 2:4 ပူးပေါင်းရင်းမြစ်များ

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 2:20

Nagsimbag ako, “An Dios nin Langit iyo an mapauswag samo. Mga sorogoon niya kami asin popoonan mi an pagtugdok. Alagad mayo kamo nin deretso sa anoman na pagsadiri sa Jerusalem asin mayo kamo nin kahirasan sa mga tradisyon kaiyan.”

Nehemias 2:5

dangan nagsabi ako sa emperador, “Kun pagmarahayon mo, asin kun nawilihan mo ako, tugotan mo akong magduman sa Juda, sa syudad na namumugtakan kan mga lulubngan kan sakong mga ginikanan, tanganing patindogon ko giraray an syudad.”

Esther 5:3

Naghapot an hade, “Ano an kaipuhan mo, Reyna Esther? Sabihan sako an boot mo asin itatao ko maski an kabanga kan sakong imperyo.”

Esther 5:6

Mantang nag-iinom sinda nin arak, naghapot an hade ki Esther, “Sabihan sako an nasa boot mo asin makakamtan mo iyan. Itatao ko an saimong hagadon, maski an kabanga kan sakong imperyo.”

Esther 7:2

sa ikaduwang beses. Mantang nag-iinom sinda nin arak, naghapot giraray an hade, “Reyna Esther, ano an nasa boot mo? Sabihan sako asin mapapasaimo iyan. Maski an kabanga kan sakong imperyo itatao ko saimo.”

Salmo 136:26

Magpasalamat kamo sa Dios nin langit; an saiyang pagkamoot mayo nin kataposan.

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Markos 10:51

Hinapot siya ni Jesus, “Ano an boot mong gibohon ko para saimo?” Nagsimbag an buta, “Maestro, boot kong makahiling.”

Mga Gibo 23:19

Kinabit kan komandante an hoben, irinayo dangan hinapot, “Ano an sasabihon mo sako?”

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.