Nehemias 2:20 - Marahay na Bareta Biblia

²⁰ Nagsimbag ako, “An Dios nin Langit iyo an mapauswag samo. Mga sorogoon niya kami asin popoonan mi an pagtugdok. Alagad mayo kamo nin deretso sa anoman na pagsadiri sa Jerusalem asin mayo kamo nin kahirasan sa mga tradisyon kaiyan.”

Nehemias 2:20 ပူးပေါင်းရင်းမြစ်များ

2 Mga Cronica 26:5

Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

Esdras 4:3

Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Esther 4:11

“Gagadanon an siisay man, lalaki o babae, na lumaog sa pinakalaog na patyo asin umatubang sa hade na dai man ipinaapod. Iyan an katogonan; an lambang saro, magpoon sa mga parahatol kan hade sagkod sa mga tawo sa mga probinsya, nakakaaram kaiyan. Saro sana an paagi tanganing malikayan an katogonan na ini: kun iduta kan hade an saiyang bulawan na setro sa sarong tawo, maliligtas an buhay kan tawong iyan. Alagad sarong bulan na akong dai ipinapaapod kan hade.

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Salmo 20:5

Maogmang magkurahaw logod kita sa saimong panggana, asin sa ngaran kan satong Dios patindogon ta an satong mga bandera! Simbagon logod nin Kagurangnan an gabos mong kahagadan!

Salmo 35:27

Tugotan mong magkurahaw sa kaogmahan an mga nagmamawot kan sakong kaligtasan, asin nagpapahayag sagkod pa man, “Dakula an Kagurangnan, na nawiwili sa kauswagan kan saiyang oripon!”

Salmo 51:18

Sa saimong pagkamarahayon, tabangan mo an Sion; an mga lanob nin Jerusalem saimong pakarahayon.

Exodo 28:29

“Paglaog ni Aaron sa Banal na Lugar, isusulot niya an pantahob sa daghan, na nauukitan kan ngaran kan mga aki ni Jacob tanganing ako, an Kagurangnan danay na makagiromdom sa sakong banwaan.

Parahulit 7:18

Likayan mo an duwang kasobrahan na ini. Kun may pagkatakot ka sa Dios, magigin mauswag ka.

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Levitico 2:2

dangan dadarahon niya sa mga pading aki ni Aaron. Mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot na sa Kagurangnan. An parong kaiyan nawiwilihan nin Kagurangnan.

Levitico 24:7

Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Zacarias 6:14

An korona magigin sarong giromdom sa Templo nin Kagurangnan sa kaomawan ni Heldai, Tobias, Jedaias, asin Josias.”

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

Mga Gibo 8:21

Mayo ka nin kabtang o kahirasan sa bagay na ini, huli ta an saimong puso bakong matanos sa atubang nin Dios.