Nehemias 2:19 - Marahay na Bareta Biblia

¹⁹ Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

Nehemias 2:19 ပူးပေါင်းရင်းမြစ်များ

Nehemias 13:28

Si Jehoiada na aki ni Eliasib na Halangkaw na Padi, igwa nin sarong aki na nag-agom sa aking babae ni Sanballat na taga Bet-horon, kaya pinahale ko si Jehoiada sa Jerusalem.

Nehemias 2:10

Nabaretaan ni Sanballat na taga Bet-horon asin ni Tobias na sarong opisyal sa probinsya nin Ammon, na igwang nagdatong tanganing magtrabaho para sa karahayan kan Israelita asin naanggot sinda nin makuri.

Nehemias 4:1

Kan madangog ni Sanballat na pinapatindog mi giraray an kudal, naanggot siya asin tinuyatuya niya an mga Judio.

Nehemias 6:6

na iyo ini an laog: “Ipinag-oosip sa kataraed na nasyon asin sinasabi man ni Gesem na ika saka an mga Judio boot magrebelde, kaya hinihirahay nindo an kudal. Ibinareta man na boot mong magin hade, asin nagbugtak ka nin mga propeta na mapahayag sa Jerusalem na ika an hade nin Juda. Makakaabot an baretang ini sa emperador kaya magdigdi ka asin pag-olayan nyato an bagay na ini.”

Nehemias 6:9

Boot sana ninda kaming takoton tanganing maontok an trabaho. Dangan namibi ako, “O Dios, pakosoga man ako!”

An Libro ni Job 30:1

“Alagad ngunyan, pinag-oolog-olog ako kan mga lalaking mas aki pa ki sa sako! An saindang mga ama, danay na mayo nin halaga kaya dai ko sinda tinugotan na makaiba kan sakong mga ayam sa pagbantay kan sakong mga karnero.

Salmo 123:4

Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Salmo 80:6

An samuyang daga pinag-iiwalan kan samong mga kataed, pinagngingisihan kami kan samong mga kalaban.

Salmo 80:7

O Dios nin mga hukbo, ibalik mo kami; pahilingan samo an saimong pagkaherak, asin kami makakaligtas.

Isaias 36:5

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrerebelde siya sa emperador nin Asiria?

Jeremias 20:8

Kun ako minataram, kaipuhan kosogon ko an sakong tingog saka kumurahaw, “Kadahasan! Pagkagaba!” Kagurangnan, tinutuyatuya ako asin dinudusta sa gabos na panahon huli ta ipinapahayag ko an saimong tataramon.

Jeremias 41:10

Dangan ibinilanggo niya an mga aking babae kan hade asin an iba pang tawo sa Mizpa na ibinugtak ni Nebuzaradan, an pinakahalangkaw na opisyal, sa irarom kan pamamahala ni Gedalias. Binihag sinda ni Ismael asin dinara sinda sa Ammon.

Mateo 9:24

Sinabihan niya sinda, “Ruluwas kamo gabos. Bakong gadan an aki kundi natotorog sana!” Pinagngirisihan siya kan mga tawo.

Markos 5:40

Alagad pinagngisihan siya ninda. Kaya pinaluwas niya an gabos dangan naglaog siya sa kwartong nahuhutadan kan aki kaiba an ama asin ina kaini saka an tolong disipulo.

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Juan 19:12

Kan madangog ini ni Pilato, orog siyang naghanap nin paagi na mapaluwas si Jesus. Alagad nagkurahaw an mga tawo. “Kun paluwason mo siya, bako kang katood ni Cesar! An siisay man na nagsasabing hade siya, kaiwal ni Cesar!”

Mga Gibo 24:5

Naaraman mi na an tawong ini ginigikanan nin ribok. Pinaparibok niya an mga Judio saen man na lugar. Lider siya kan grupo nin mga Nazareno.

Hebreyo 11:36

May pinagtuya-tuya saka pinaghampak; may ginapos asin binilanggo.