Nehemias 2:17 - Marahay na Bareta Biblia

¹⁷ Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 2:17 ပူးပေါင်းရင်းမြစ်များ

Esdras 9:9

Nagin mga oripon kami alagad dai mo itinugot na kami magin mga oripon sagkod pa man, kundi ipinaabot mo samo an danay mong pagkamoot sa atubang kan mga emperador nin Persia tanganing tugotan kaming mabuhay asin magtugdok giraray kan saimong Templo na narumpag, dangan makakua nin kaligtasan digdi sa Juda saka sa Jerusalem.

Nehemias 1:3

Sinabihan ninda ako, “An mga natada sa probinsya na nakaligtas sa pagtapokan nasa dakulang kasakitan saka kasosopgan; narumpag an mga kudal nin Jerusalem asin an mga trangkahan kaini nasulo.”

Nehemias 2:13

Banggi pa kan ako magluwas asin mag-agi sa Trangkahan nin Kapantayan na nasa solnopan dangan nagpasiring ako sa habagat sa Burabod nin Dragon sagkod sa Trangkahan nin mga Ati. Siniyasat ko an narumpag na mga kudal kan syudad asin an nasulong mga trangkahan.

Nehemias 2:16

Dai naaraman kan mga opisyal kun saen ako hale asin kun ano an sakong ginibo. Mayo ako nin tinaraman na anoman sa mga Judio, sa mga padi, sa mga lider, sa mga opisyal, asin sa gabos na tawong matarabang sa trabaho.

Nehemias 3:15

An Trangkahan nin Burabod hinirahay ni Sallum na aking lalaki ni Colhoze, na kagsakop kan Distrito nin Mizpa. Inatopan niya an Trangkahan dangan ibinugtak an mga pinto, an mga barat, saka mga bisagra. Itinugdok niya an kudal kan Tangke nin Tubig nin Shela sa kataed kan tatamnan kan hade, sagkod sa mga paibabang hagdan kan Syudad ni David.

Salmo 102:15

An mga nasyon matatakot sa ngaran nin Kagurangnan; an mga hade sa daga matatakot sa saiyang kamurawayan.

Salmo 44:13

Ginibo mo kaming ngingisihan kan mga kataraed nyamo; tinuyatuya, pinag-olog-olog kan mga nakapalibot samo.

Salmo 44:14

Itinugot mong pagbansagan kami kan mga nasyon, ginibong ngingisihan sa tahaw nin katawohan.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 3:51

An puso ko nagmomondo kun nahihiling ko an nangyari sa mga babae kan syudad.

Ezekiel 5:14

Tutuyatuyaon ka asin haharayoan kan lambang mag-agi na gikan sa ibang nasyon sa palibot mo.

Mikas 7:11

Mga taga Jerusalem, nagdadangadang na an panahon kan pagpakarahay kan kudal kan saindong syudad. Sa panahon na iyan, papadakulaon an saindong teritoryo.

1 Samuel 11:2

Nagsimbag si Nahas, “Makikipagtipan ako saindo sa sarong kondisyon: huhulwaton ko an saindong toong mata tanganing masopogan an bilog na Israel.”