Nehemias 13:5 - Marahay na Bareta Biblia

⁵ Tinugotan niya si Tobias na gamiton an sarong kwarto na sarayan kaidto kan mga dolot na pagkakan saka insenso, kan kagamitan sa Templo, kan mga dolot para sa mga padi, saka kan mga tinagba nin trigo, arak patin lana nin oliba na itinao sa mga Levita, sa mga parakanta asin sa mga bantay sa Templo.

Nehemias 13:5 ပူးပေါင်းရင်းမြစ်များ

2 Mga Cronica 31:11

Dangan sa pagboot kan hade, inandam ninda an mga kwartong sarayan sa Templo.

2 Mga Cronica 34:11

sa mga karpintero saka mga kantero tanganing ibakal nin mga gapo saka mga kahoy na kaipuhan sa paghirahay kan mga edipisyo na pinabayaan na magralapa kan mga hade nin Juda.

Nehemias 10:36

An samong matuang aking lalaki dadarahon mi sa mga padi sa Templo tanganing ikonsagra sa Dios, sosog sa nasusurat sa Katogonan. Siring man idodolot nyamo an lambang matuang baka, karnero, asin kanding.

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Nehemias 10:38

An mga padi na kapagarakian ni Aaron iyo an maiba sa mga Levita sa pagkolekta kan mga himoloan. An ikasampolong kabtang kan mga himoloan dadarahon kan mga Levita sa Templo, sa mga kwartong sarayan.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Nehemias 13:7

asin nagbalik ako sa Jerusalem. Dangan ko naaraman an salang gibo ni Eliasib sa pagtugot ki Tobias na gamiton an sarong kwarto sa Templo.

Ezekiel 40:38

Sa patyong nasa luwas, igwa nin sarong edipisyong kasugpon kan trangkahan na nasa laog, sa parteng amihan. Agihan ini pasiring sa dakulang kwarto na atubang sa patyo, asin digdi hinuhugasan an binunong mga hayop na tututongon bilang sakripisyo.