Nehemias 13:3 - Marahay na Bareta Biblia

³ Pakadangog kan mga Israelita kan Togon na ini, isinuhay ninda sa komunidad an gabos na dayuhan.

Nehemias 13:3 ပူးပေါင်းရင်းမြစ်များ

Esdras 10:11

Kaya ikumpisal nindo an saindong mga kasalan sa Kagurangnan, an Dios kan saindong mga ginikanan, asin kuyogon nindo an saiyang kabotan. Humarayo kamo sa mga dayuhan na nag-eerok sa satuyang daga asin suhayan nindo an saindong mga dayuhan na agom.”

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Nehemias 10:28

Kami, an banwaan nin Israel, an mga padi, mga Levita, mga bantay sa Templo, mga parakanta, mga trabahador sa Templo asin an gabos na nagsiblag sa mga dayuhan bilang pagsunod kan togon nin Dios, kaiba an samuyang mga agom, kaakian, patin an gabos na tatao nang magsabot,

Nehemias 9:2

Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Exodo 12:38

Dakul na bakong mga Israelita an nag-iriba sainda. Nagsunod man sainda an dai mabilang na mga karnero, mga kanding, asin mga baka.

Mga Talinhaga 6:23

Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Mga Bilang 11:4

Igwa nin mga dayuhan na nagbabaklay kaiba kan mga Israelita. An mga dayuhan nagkaigwa nin sobrang pagmawot na makakakan nin karne asin maski an mga Israelita nagpoon man magreklamo, “Kun igwa kutana kita nin makakakan na karne!

Roma 3:20

Huli ta mayo nin siisay man na magigin matanos sa Dios huli sana sa pagsunod kan Katogonan; an Katogonan iyo an nagpapamidbid sa tawo na siya nagkasala.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.