Nehemias 13:25 - Marahay na Bareta Biblia

²⁵ Sinagwe ko sinda, pinatakot nin mga maldisyon, hinampak asin rinabnotan nin buhok. Dangan pinasumpa ko sinda sa ngaran nin Dios na dai ninda ipagpaagom asin pagpaagomon sa mga dayuhan an saindang mga aki.

Nehemias 13:25 ပူးပေါင်းရင်းမြစ်များ

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

Esdras 10:5

Kaya pinasumpa ni Esdras an mga lider kan mga padi saka mga Levita, asin kan bilog na banwaan na gibohon an sinabi ni Secanias.

Esdras 7:26

An siisay man na maglapas kan Katogonan nin saimong Dios asin kan mga katogonan kan imperyo, papadusahan tolos sa paagi nin kagadanan o pagtapok o pag-embargo kan pagrogaring o pagkabilanggo.”

Nehemias 13:11

Inanggotan ko an mga opisyal huli ta pinabayaan ninda an Templo. Dangan pinabalik ko sa Templo asin sa saindang mga trabaho an mga parakanta saka an mga Levita.

Nehemias 13:17

Inanggotan ko an mga lider nin Juda asin sinabihan, “Ano ining karatan na ginigibo nindo? Dai nindo pinapabanal an Sabbath!

Nehemias 13:24

An kabanga sa saindang kaakian nagtataram kan lengwahe nin Asdod o iba pang lengwahe asin dai tatao kan sadiri ming lengwahe.

Nehemias 5:13

Dangan pinagpag ko an sakong gubing, saka nagsabi ako, “Pagpagon logod nin Dios siring kaini an siisay man na dai mag-otob kan saiyang panuga. Kuahon logod nin Dios an saindong mga harong asin an gabos nindong pagsadiri, dangan mayo nin matada saindo.” An gabos na nagtiripon nagsimbag nin “Amen!” asin nag-omaw sa Kagurangnan. Dangan inotob kan mga lider an saindang panuga.

Nehemias 5:6

Naanggot ako kan madangog ko an mga inagrangay na ini.

Salmo 119:53

Kun nahihiling ko an mga tampalasan na naglalapas kan saimong katogonan, napapano ako nin kaanggotan.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Deuteronomio 7:3

Dai nindo pag-agomon an siisay man sainda asin dai kamo magtugot na agomon ninda an saindong mga aki,

Josue 23:12

Kun magtalikod kamo saiya asin makisumaro sa mga natatadang nasyon na iyan sa kaibahan nindo asin makipag-agoman sainda,