Nehemias 13:15 - Marahay na Bareta Biblia

¹⁵ Kan mga aldaw na idto, nakahiling ako nin mga tawo na nagtatrabaho sa pugaan nin ubas sa aldaw na Sabbath. An iba nagdadara nin mga trigo, arak, ubas, higera, asin iba pang mga bagay na ilinulunad ninda sa mga asno dangan dinadara sa Jerusalem. Pinatanidan ko sinda na dai magpabakal nin anoman kun Sabbath.

Nehemias 13:15 ပူးပေါင်းရင်းမြစ်များ

2 Mga Cronica 24:19

Nagpadara siya sainda nin mga propeta tanganing patanidan sinda na magbalik saiya, alagad habo sindang maghinanyog.

Nehemias 10:31

Kun an mga dayuhan magdara nin trigo o anoman na ipapabakal sa aldaw nin Sabbath o sa arin man na banal na aldaw, dai kami mabakal sainda. Sa lambang ikapitong taon, dai mi tatanoman an samong mga oma, asin paparaon mi an gabos na utang samo.

Nehemias 10:32

Taon-taon, matao kami nin limang gramong plata para sa gastos kan Templo.

Nehemias 13:16

May mga taga Tiro, na nag-erok sa Jerusalem an nagdadara man nin sira asin iba pang mga kagamitan dangan ipinapabakal ninda sa mga tawo sa aldaw na Sabbath.

Nehemias 13:21

Pinatanidan ko sinda, “Mayo nin mangyayari sa saindong pagpaaga diyan sa luwas kan kudal. Kun gibohon pa nindo iyan, mapipiritan akong gamitan kamo nin kosog!” Poon kaidto, dai na sinda nagbalik kun Sabbath.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

An Libro ni Job 39:12

Minatubod ka daw saiya na mabalik siya, asin na dadarahon niya hale sa saimong ginikan an saimong trigo?

Salmo 50:7

“Banwaan ko, pagdangog ta ako mataram; magsasaksi ako tumang saimo, Israel. Ako an Dios, an saimong Dios.

Exodo 31:12

Pinagbotan nin Kagurangnan si Moises

Exodo 31:16

Kaya ootobon kan mga Israelita an Sabbath sa gabos na panahon bilang tanda kan daing kataposan na tipan.

Exodo 34:21

“Magtrabaho kamo sa laog nin anom na aldaw, alagad magpahingalo kamo sa ikapitong aldaw; magpahingalo kamo maski sa panahon nin pag-arado o nin pag-ani.

Exodo 35:2

Gibohon nindo an gabos nindong trabaho sa laog nin anom na aldaw, alagad sa ikapitong aldaw magkakaigwa kamo nin sarong Sabbath nin solemning pahingalo para sa Kagurangnan. Gagadanon an siisay man na magtrabaho sa aldaw na iyan.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 42:19

Nagpadagos ako sa pagtaram, “Sinasabihan kamo nin Kagurangnan, kamo na natada sa Juda, na dai magduman sa Egipto. Kaya pinapatanidan ko kamo ngunyan

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Mikas 6:3

Nagtataram an Kagurangnan, “Banwaan ko, ano an ginibo ko saimo? Paano ako nagin sarong pagabat saimo? Simbaga ako!

Mga Gibo 2:40

Sinadol sinda ni Pedro saka hinulitan, “Ligtasan nindo an saindong sadiri sa maraot na henerasyon na ini!”

Mga Gibo 20:21

Pinatanidan ko an mga Judio saka an mga pagano na magbakle asin magbalik sa Dios patin magtubod sa satong Kagurangnan na Jesu-Cristo.

Galacia 5:3

Sinasabi ko giraray sa kiisay man na boot magpaserkomsisyon, na dapat siyang magkuyog kan bilog na Katogonan.

Efeso 4:17

Sa ngaran nin Kagurangnan, sinasabihan ko kamo: dai na kamo mamuhay arog kan mga pagano na an mga iniisip mayo nin halaga;

Deuteronomio 8:19

Dai kamo malingaw sa Kagurangnan na saindong Dios asin dai kamo maglingkod patin magsamba sa ibang mga dios. Kun gibohon nindo iyan, pinapatanidan ko kamo ngunyan na talagang magagadan kamo.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.