Nehemias 13:13 - Marahay na Bareta Biblia

¹³ Bilang parapamahala kan mga kwartong sarayan, ibinugtak ko si Selemias na sarong padi, si Zadok na sarong paratukdo kan Katogonan, asin si Pedaias na sarong Levita. Si Hanan na aking lalaki ni Zaccur saka makoapo ni Mattanias iyo an katabang ninda. Aram kong an mga tawong ini maimbod sa paghiras ninda kan mga kakanon para sa saindang mga tugang.

Nehemias 13:13 ပူးပေါင်းရင်းမြစ်များ

2 Mga Hade 12:15

Dai ninda hinahagadan nin kwenta kan gastos an mga namamahala sa pagpahirahay huli ta mga onesto ini.

2 Mga Hade 12:16

An kwartang itinatao para sa mga dolot nin kabayadan asin mga dolot para sa kasalan dai ilinalaog sa kahon; sadiri iyan kan mga padi.

2 Mga Hade 22:7

Onesto an mga namamahala sa paghirahay, kaya dai na kaipuhan na hagadan pa sinda kan kwenta kan ginastos ninda.”

Nehemias 10:38

An mga padi na kapagarakian ni Aaron iyo an maiba sa mga Levita sa pagkolekta kan mga himoloan. An ikasampolong kabtang kan mga himoloan dadarahon kan mga Levita sa Templo, sa mga kwartong sarayan.

Nehemias 11:22

An namahala kan mga Levita na nag-erok sa Jerusalem iyo si Uzzi na aking lalaki ni Bani saka makoapo ni Hasabias. Kabilang sa mga ginikanan niya iyo si Mattanias saka Mica. Kaayon siya sa kamaganakan ni Asaf, na iyo an namahala kan musika sa gabos na paglingkod sa Templo.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Nehemias 3:30

Si Ananias na aking lalaki ni Selemias saka si Hanun na ikaanom na aking lalaki ni Zalaf iyo an naghirahay kan sunod na kabtang; ini an ikaduwang kabtang na hinirahay ninda. Si Mesullam, na aking lalaki ni Berekias, iyo an naghirahay kan sunod na kabtang, na kahampang kan saiyang sadiring harong.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Nehemias 8:4

Nakatindog si Esdras sa ibabaw nin sarong platapormang kahoy na ginibo para sa okasyon na idto. Nagtirindog sa saiyang too si Mattitias, si Sema, si Anaias, si Urias, si Hilkias, saka si Maaseias; nagtirindog sa wala niya si Pedaias, si Misael, si Malkias, si Hasum, si Hasbaddana, si Zacarias, saka si Mesullam.

Lukas 12:42

Nagsimbag an Kagurangnan, “Siisay an maimbod saka madonong na sorogoon? Siya idtong ibubugtak kan saiyang kagurangnan na mamahala kan ibang mga sorogoon, asin marasyon sainda nin kakanon sa oras nin pagkakan.

Mga Gibo 4:35

itinao ninda sa mga apostol; dangan an lambang saro hinirasan sosog sa saiyang pangangaipo.

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

Mga Gibo 6:3

Kaya, mga tugang, pumili kamo nin pitong lalaking marahay an dangog, pano kan Espiritu Santo asin nin kadonongan; sinda an papamahalaon ta kan bagay na ini,

1 Corinto 4:2

An tawong pinaniwalaan kaipuhan magin maimbod sa kagurangnan niya.

1 Timoteo 1:12

Nagpapasalamat ako ki Cristo Jesus na satong Kagurangnan, na nagtao sako nin kosog para sa sakong trabaho. Nagpapasalamat ako saiya huli ta ibinilang niya akong maninigo saka pinili niyang maglingkod saiya,

1 Timoteo 3:10

Kaipuhan sindang baloon ngona; kun makapasar, saka papaglingkodon bilang diakono.