Nehemias 13:10 - Marahay na Bareta Biblia

¹⁰ Naaraman ko man na an mga parakanta asin an ibang mga Levita nagbalik sa saindang mga oma, huli ta dai sinda tinawan kan mga tawo kan saindang kahirasan.

Nehemias 13:10 ပူးပေါင်းရင်းမြစ်များ

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Nehemias 10:39

An gabos na dolot na trigo, arak saka lana nin oliba dadarahon kan banwaan nin Israel asin kan mga Levita, sa mga kwartong sarayan na namumugtakan kan mga kagamitan sa Templo. Digdi nag-eerok an mga padi na naglilingkod sa panahon na iyan, asin an mga bantay saka mga parakanta sa Templo. Dai nyamo papabayaan an Templo nin samuyang Dios.

Nehemias 12:47

Kan panahon ni Zerubabel asin kan panahon ni Nehemias, an bilog na banwaan nin Israel aroaldaw nagtatao nin mga regalo para sa mga parakanta asin para sa mga bantay kan Templo. Nagtao man sinda nin sagradong dolot sa mga Levita, asin an mga ini nagtao kan maninigong kahirasan para sa mga padi.

Isaias 43:23

Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Mga Bilang 35:2

“Sabihan mo an mga Israelita na tawan an mga Levita nin mga syudad na maeerokan saka dagang pasabsaban sa palibot kan mga syudad hale sa dagang minana ninda.

Deuteronomio 12:19

Dai nanggad nindo pagpabayaan an mga Levita mantang nag-eerok kamo sa saindong daga.