Nehemias 12:44 - Marahay na Bareta Biblia

⁴⁴ Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Nehemias 12:44 ပူးပေါင်းရင်းမြစ်များ

1 Mga Cronica 23:28

An katongdan ninda iyo an pagtabang sa mga aking lalaki ni Aaron sa paglingkod kan mga ini sa Templo, an pag-ataman kan mga patyo asin kan mga kwarto, an paglinig kan banal na mga kagamitan, saka an paggibo kan anoman na trabaho sa Templo.

1 Mga Cronica 26:20

Sa iba pang mga Levita, si Ahias an namahala kan mga kayamanan sa Templo asin kan mga kwartong sarayan kan mga ikinonsagrang regalo para sa Dios.

1 Mga Cronica 9:26

Gabos mga Levita an apat na pamayong mga bantay, asin sinda an namahala kan mga kwarto kan Templo asin kan mga kayamanan duman.

Nehemias 10:36

An samong matuang aking lalaki dadarahon mi sa mga padi sa Templo tanganing ikonsagra sa Dios, sosog sa nasusurat sa Katogonan. Siring man idodolot nyamo an lambang matuang baka, karnero, asin kanding.

Mga Talinhaga 8:34

Paladan an tawong naghihinanyog sako, na aroaldaw nagbabantay sa sakuyang mga trangkahan, na naghahalat sa may pintoan kan sakong harong.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Mga Bilang 3:10

Si Aaron asin an saiyang mga aki iyo an italaga mong maglingkod bilang mga padi; an siisay pa man na maggibo kan katongdan na iyan gagadanon.”

Roma 12:7

Kun balaog sa paglingkod an itinao sato, maglingkod kita; kun sa pagtukdo, magtukdo kita;

Deuteronomio 18:8

Arog kan ibang padi, mag-aako siya nin parehong kahirasan nin pagkakan, asin pwede niyang sarayon an ano man na padara kan saiyang pamilya.