Nehemias 12:31 - Marahay na Bareta Biblia

³¹ Ipinag-iba ko sa ibabaw kan kudal an mga lider nin Juda dangan binanga ko sinda sa duwang grupo tanganing magprosesyon sa palibot kan syudad sa pagpasalamat sa Dios. An enot na grupo luminakaw patoo sa ibabaw kan kudal pasiring sa Trangkahan nin Ati.

Nehemias 12:31 ပူးပေါင်းရင်းမြစ်များ

1 Mga Cronica 13:1

Kinaolay ni David an mga opisyal na nakakasakop nin rinibong mga tawohan asin man an mga nakakasakop nin ginatos na mga tawohan.

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

2 Mga Cronica 5:2

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin an mga lider kan mga kamaganakan kan banwaan nin Israel, tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

Nehemias 12:32

Kasunod kan grupong ini iyo si Hosaias, kaiba an kabanga kan mga lider nin Juda.

Nehemias 12:38

Nagpasiring sa wala sa ibabaw kan kudal an saro pang grupo na nagpasalamat sa Dios, asin nagsunod ako sa grupong ini, kaiba an kabanga kan mga tawo. Inagihan mi an Tore nin mga Horno, kan pasiring kami sa Mahiwas na Kudal.

Nehemias 12:40

Kaya an duwang grupo nagsabatan sa atubangan kan Templo. Laen pa kan mga opisyal na nag-iba sako,

Nehemias 2:13

Banggi pa kan ako magluwas asin mag-agi sa Trangkahan nin Kapantayan na nasa solnopan dangan nagpasiring ako sa habagat sa Burabod nin Dragon sagkod sa Trangkahan nin mga Ati. Siniyasat ko an narumpag na mga kudal kan syudad asin an nasulong mga trangkahan.