Nehemias 12:24 - Marahay na Bareta Biblia

²⁴ Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:24 ပူးပေါင်းရင်းမြစ်များ

Nehemias 11:17

Si Mattanias, na aking lalaki ni Mica saka makoapo ni Zabdi asin kapagarakian ni Asaf. Siya an namayo kan koro kan Templo sa pag-awit kan pamibi nin pasasalamat. Si Bakbukias, na katabang ni Matanias. Si Abda, na aking lalaki ni Sammua saka makoapo ni Galal, asin kapagarakian ni Jedutun.

Nehemias 9:4

Igwa nin plataporma para sa mga Levita asin duman tuminindog si Jesua, si Bani, si Kadmiel, si Sebanias, si Bunni, si Serebias, si Bani, asin si Kenani; namibi sinda nin makosog sa Kagurangnan na saindang Dios.

Nehemias 8:7

Dangan nagbarangon sinda asin nagtirindog sa dati nindang lugar. An Katogonan ipinaliwanag sainda kan mga Levita na si Jesua, Bani, Serebias, Jamin, Akkub, Sabbetai, Odias, Maaseias, Kelita, Azarias, Jozabad, Hanan, asin Pelaias.

Esdras 2:40

Mga kamaganakan nin mga Levita na nagbalik hale sa pagkatapokan: Jesua asin Kadmiel (mga kapagarakian ni Odavias) setenta y kwatro Mga parakanta sa Templo (mga kapagarakian ni Asaf) syento beynte y otso Mga bantay sa Templo (mga kapagarakian ni Sallum, Ater, Talmon, Akkub, Hatita, asin Sobai) syento treynta y nuebe

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

1 Mga Hade 17:24

Nagsimbag an babae, “Ngunyan aram ko na saro kang sorogoon nin Dios asin an Kagurangnan nagtataram sa paagi mo!”

Josue 14:6

Sarong aldaw, nagkapirang mga tawo na gikan sa tribu ni Juda an nagduman ki Josue sa Gilgal. An saro sainda, si Caleb na aki ni Jefunne na Keneceo, nagsabi saiya, “Aram mo an itinaram nin Kagurangnan ki Moises, an sorogoon nin Dios, manongod sa satong duwa duman sa Kades-barnea.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

2 Timoteo 3:17

tanganing an tawong naglilingkod sa Dios magin sangkap asin andam sa paggibo kan gabos na karahayan.

1 Timoteo 6:11

Alagad ika na tawong sadiri nin Dios, maglikay ka sa gabos na bagay na ini. Hingowahon mo an katanosan, kabanalan, pagtubod, pagkamoot, pakatagal, asin kahoyoan.

Nehemias 12:23

Alagad an listahan kan mga pamayo kan mga pamilya kan mga Levita ikinasurat sa Libro nin mga Cronica sa panahon sana ni Jonatan na makoapo ni Eliasib.

Nehemias 12:36

Kasunod ni Zacarias an iba pang kaayon kan saiyang kamaganakan na iyo si Semaias, Azarel, Milalai, Gilalai, Maai, Netanel, Juda, asin Hanani, na gabos igwa nin darang instrumento sa pagtugtog arog kan mga ginamit ni Hadeng David, an sorogoon nin Dios. An namayo kan grupong ini iyo si Esdras, na paratukdo kan Katogonan.

1 Mga Cronica 16:4

Dangan nagpili si David nin nagkapirang mga Levita tanganing mangenot sa pagsamba, pagpasalamat dangan pag-omaw sa Kagurangnan, an Dios nin Israel, sa atubangan kan Kaban nin Tipan.