Nehemias 12:1 - Marahay na Bareta Biblia

¹ Iyo ini an mga padi asin mga Levita na nagbalik hale sa pagtapokan kaiba ni Zerubabel, na aking lalaki ni Sealtiel saka ni Josue, na Halangkaw na Padi:

Nehemias 12:1 ပူးပေါင်းရင်းမြစ်များ

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Esdras 4:2

nagduman sinda ki Zerubabel saka sa mga pamayo kan mga kamaganakan dangan nagsabi, “Tugotan nindo kaming magtrabaho kaiba nindo, huli ta sinasamba mi an parehong Dios na sinasamba nindo, asin nagdodolot kami saiya nin mga sakripisyo poon pa kan panahon ni Esarhaddon, an emperador nin Asiria, na nagdara samo digdi.”

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Nehemias 11:36

Nagkapira sa grupo nin mga Levita sa Juda an pinaerok sa kaibahan kan tribu ni Benjamin.

Nehemias 12:10

Si Josue iyo an ama ni Joiakim na ama ni Eliasib; si Eliasib iyo an ama ni Jehoiada,

Nehemias 12:2

An mga Padi: Seraias, Jeremias, Esdras, Amarias, Malluc, Hattus, Secanias, Rehum, Meremot, Iddo, Ginnetoi, Abias, Mijamin, Maadias, Bilga, Semaias, Joiarib, Jedaias, Sallu, Amok, Hilkias, asin Jedaias. Iyo ini an mga lider kan kapwa ninda mga padi kan panahon ni Josue.

Nehemias 7:7

An mga lider ninda iyo si Zerubabel, Josue, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum, asin Baana.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,

Hageo 2:2

Tinaraman niya si Hageo na sabihan si Zerubabel na gobernador nin Juda, si Josue na Halangkaw na Padi, asin an mga tawo, saka sabihan sindang,

Zacarias 6:11

Gumibo ka nin sarong korona hale sa itinao nindang plata saka bulawan, dangan ibugtak mo iyan sa payo kan Halangkaw na Padi na si Josue na aking lalaki ni Jehozadak.