Nehemias 11:17 - Marahay na Bareta Biblia

¹⁷ Si Mattanias, na aking lalaki ni Mica saka makoapo ni Zabdi asin kapagarakian ni Asaf. Siya an namayo kan koro kan Templo sa pag-awit kan pamibi nin pasasalamat. Si Bakbukias, na katabang ni Matanias. Si Abda, na aking lalaki ni Sammua saka makoapo ni Galal, asin kapagarakian ni Jedutun.

Nehemias 11:17 ပူးပေါင်းရင်းမြစ်များ

2 Samuel 9:12

Igwa nin aking lalaki si Mefiboset na an ngaran Mica. An gabos na kaayon sa pamilya ni Ziba nagin mga sorogoon ni Mefiboset.

1 Mga Cronica 16:4

Dangan nagpili si David nin nagkapirang mga Levita tanganing mangenot sa pagsamba, pagpasalamat dangan pag-omaw sa Kagurangnan, an Dios nin Israel, sa atubangan kan Kaban nin Tipan.

1 Mga Cronica 16:41

Magigin kaiba ninda si Heman, si Jedutun saka an iba pang tawo na piniling magpasalamat sa Kagurangnan huli ta an saiyang pagkamoot dai nin kataposan.

Nehemias 11:16

Si Sabbetai asin si Jozabad, na mga bantog na Levita, na namamahala kan patrabaho sa luwas kan Templo.

Nehemias 11:18

Dos syentos otsenta y kwatrong Levita an nag-erok sa banal na syudad nin Jerusalem.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:25

An mga bantay sa Templo na namamahala sa pagbantay kan mga kwartong sarayan iyo si Mattanias, Bakbukias, Obadias, Mesullam, Talmon, asin Akkub.

Nehemias 12:31

Ipinag-iba ko sa ibabaw kan kudal an mga lider nin Juda dangan binanga ko sinda sa duwang grupo tanganing magprosesyon sa palibot kan syudad sa pagpasalamat sa Dios. An enot na grupo luminakaw patoo sa ibabaw kan kudal pasiring sa Trangkahan nin Ati.

Nehemias 12:46

Magpoon kan panahon ni David saka ni Asaf, an mga parakanta iyo an nangenot sa mga awit nin pag-omaw saka pagpasalamat sa Dios.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.