Nehemias 11:16 - Marahay na Bareta Biblia

¹⁶ Si Sabbetai asin si Jozabad, na mga bantog na Levita, na namamahala kan patrabaho sa luwas kan Templo.

Nehemias 11:16 ပူးပေါင်းရင်းမြစ်များ

1 Mga Cronica 26:20

Sa iba pang mga Levita, si Ahias an namahala kan mga kayamanan sa Templo asin kan mga kwartong sarayan kan mga ikinonsagrang regalo para sa Dios.

1 Mga Cronica 26:29

Sa kapagarakian ni Izar, si Kenaias saka an saiyang mga aking lalaki iyo an napili bilang mga kansilyer asin mga hukom.

Esdras 10:15

Mayo nin nagsalungat sa kaisipan na ini kundi si Jonatan na aking lalaki ni Asahel saka si Jazeias na aking lalaki ni Tikva, na inoyonan man ni Mesullam saka ni Sabbetai, na sarong Levita.

Esdras 8:33

Kan ikaapat na aldaw, nagduman kami sa Templo, tinimbang an plata, an bulawan asin an mga kagamitan, dangan itinao nyamo an mga ini sa padi na si Meremot an aking lalaki ni Urias. Kaiba niya si Eleazar na aking lalaki ni Finehas asin an duwang Levita na si Jozabad na aking lalaki ni Jesua dangan si Noadias na aking lalaki ni Binnui.

Nehemias 11:15

An mga Levita: Si Semaias, na aking lalaki ni Hassub saka makoapo ni Azrikam. An iba pa niyang mga ginikanan iyo si Hasabias asin si Bunni.

Nehemias 11:17

Si Mattanias, na aking lalaki ni Mica saka makoapo ni Zabdi asin kapagarakian ni Asaf. Siya an namayo kan koro kan Templo sa pag-awit kan pamibi nin pasasalamat. Si Bakbukias, na katabang ni Matanias. Si Abda, na aking lalaki ni Sammua saka makoapo ni Galal, asin kapagarakian ni Jedutun.

Nehemias 8:7

Dangan nagbarangon sinda asin nagtirindog sa dati nindang lugar. An Katogonan ipinaliwanag sainda kan mga Levita na si Jesua, Bani, Serebias, Jamin, Akkub, Sabbetai, Odias, Maaseias, Kelita, Azarias, Jozabad, Hanan, asin Pelaias.