Nehemias 11:1 - Marahay na Bareta Biblia

¹ Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Nehemias 11:1 ပူးပေါင်းရင်းမြစ်များ

1 Mga Cronica 26:13

Sadit man o dakula, nagripa an gabos na pamilya tanganing aramon kun arin na trangkahan an babantayan ninda.

1 Mga Cronica 8:28

Iyo ini an mga pamayo nin mga pamilya asin an nangongorog na kapagarakian na nag-erok sa Jerusalem.

1 Mga Cronica 9:1

Nakalista an gabos na mga taga Israel sosog sa saindang mga pamilya, asin ini nakatala sa An Libro kan mga Hade nin Israel. Itinapok sa Babilon an mga taga Juda bilang padusa kan saindang kasalan.

1 Mga Cronica 9:2

An enot na nagbaralik sa saindang pagsadiri duman sa mga syudad iyo an mga ordinaryong Israelita, an mga padi, an mga Levita asin an mga sorogoon sa Templo.

1 Mga Cronica 9:3

Duman na sa Jerusalem nag-erok an ibang kaayon sa mga tribu ni Juda, Benjamin, Efraim, asin Manases.

Nehemias 10:34

Kami, an banwaan, an mga padi, mga Levita, magkakaigwa nin ripa taon-taon para sa kamaganakan na matao kan kahoy na gagamiton para sa pagtutong kan mga sakripisyo sa altar nin Kagurangnan na samuyang Dios, sosog sa nasusurat sa Katogonan.

Nehemias 11:18

Dos syentos otsenta y kwatrong Levita an nag-erok sa banal na syudad nin Jerusalem.

Nehemias 4:22

Sinabihan ko pa kaidto an mga lalaking namamahala na sinda asin an gabos nindang katabang maontok kun banggi sa Jerusalem tanganing mabantayan mi an syudad kun banggi asin makapagtrabaho kun aldaw.

Salmo 122:5

Duman ibinugtak an mga trono sa paghukom, an mga trono kan mga hade nin Israel.

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Mga Talinhaga 16:33

Nagsasapalaran an mga tawo sa pagsabot kan kabotan nin Dios, alagad an Dios mismo an nagtatao kan kasimbagan.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Mateo 27:53

Nagruluwas sinda sa mga lulubngan. Kan nabuhay liwat si Jesus, nagduman sinda sa Banal na Syudad saka nagpahiling sa dakul na tawo.

Mateo 4:5

Dangan dinara si Jesus kan Demonyo sa Jerusalem an Banal na Syudad asin pinatindog sa atop kan Templo,

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

Mga Gibo 1:26

Dangan pinagripahan ninda an duwang ngaran na pagpipilian. An ngaran ni Matias an napili kaya siya an idinagdag sa onseng apostol.

Josue 18:10

Nagripa si Josue tanganing hapoton an Kagurangnan para sainda. Dangan an lambang saro kan natatadang mga tribu tinawan niya kan kahirasan na daga.