Nehemias 10:1 - Marahay na Bareta Biblia

¹ An enot na nagpirma iyo an gobernador na si Nehemias, na aking lalaki ni Hacalias, asin an sunod na nagpirma si Zedekias. Nagpirma man an mga minasunod:

Nehemias 10:1 ပူးပေါင်းရင်းမြစ်များ

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Nehemias 1:1

Iyo ini an talaan kan mga ginibohan ni Nehemias na aking lalaki ni Hacalias. Kan bulan nin Kislev, kan ikabeynteng taon kan pagigin emperador sa Persia ni Artajerjes, ako, si Nehemias, yaon duman sa Susa, an pangenot na syudad.

Nehemias 10:2

An mga padi: Seraias, Azarias, Jeremias, Pasur, Amarias, Malkias, Hattus, Sebanias, Malluc, Harim, Meremot, Obadias, Daniel, Ginneton, Baruc, Mesullam, Abias, Mijamin, Maazias, Bilgai, asin Semaias.

Nehemias 10:30

Dai kami makikipag-agoman sa mga dayuhan na nag-eerok sa samong daga.

Nehemias 7:65

Sinabihan sinda kan gobernador na dai sinda pwedeng magkakan kan dolot sa Dios sagkod na mayo nin padi na tataong maggamit kan Urim asin Tummim.

Nehemias 7:70

Dakul na tawo an nagtarao para sa paghirahay kan Templo. An gobernador nagtao nin walong kilo nin bulawan, singkwentang palanggana, asin kinyentos treyntang mga gubing para sa mga padi. Nagkapirang mga pamayo nin mga kamaganakan an nagtao nin syento sesenta y otsong kilo nin bulawan, mil dos syentos singkwentang kilo nin plata, an ibang mga tawo nagtao nin syento sesenta y otsong kilo nin bulawan, syento kwarentang kilo nin plata, asin sesenta y syeteng mga gubing para sa mga padi.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Nehemias 9:38

Huli kan mga nangyaring ini, kami, an banwaan nin Israel, minagibo nin sarong masasarigan na nasusurat na tipan, na pipirmahan kan samong mga lider, kan samong mga Levita, saka samong mga padi.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.