Nehemias 1:7 - Marahay na Bareta Biblia

⁷ Nagin masombikal kami saimo asin dai mi kinuyog an mga togon saka mga pagboot na itinao mo huli sa saimong sorogoon na si Moises.

Nehemias 1:7 ပူးပေါင်းရင်းမြစ်များ

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

2 Mga Cronica 25:4

Alagad dai niya ipinagadan an mga aki ninda, kundi sinunod niya an pagboot nin Kagurangnan sa Katogonan ni Moises, “An mga magurang dai gagadanon para sa kasalan na ginibo kan saindang mga aki; ni an mga aki para sa kasalan na ginibo kan saindang mga magurang. An sarong tawo gagadanon sana para sa kasalan na siya nanggad an nakaginibo.”

2 Mga Cronica 27:2

Ginibo niya an matanos sa atubangan nin Kagurangnan siring kan ginibo kan saiyang ama na si Uzzias. Alagad dai siya naggibo kan kasalan na pagtutong nin insenso sa laog kan Templo bakong arog kan saiyang ama. An mga tawo iyo an padagos na nagkasala.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Salmo 106:6

Nagkasala kami arog kan samong mga ginikanan; nagsombikal kami, guminibo nin karatan.

Salmo 89:31

kun saindang lapason an sakong mga katukdoan, asin dai sinda mag-otob kan sakong mga katogonan,

Salmo 89:32

dangan papadusahan ko sinda huli kan saindang mga kasalan; papatioson ko sinda huli kan saindang mga karatan.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Daniel 9:11

Linapas kan bilog na Israel an saimong mga togon asin dai ninda dinangog an itinaram mo. Nagkasala kami tumang saimo, kaya dinarahan mo kami kan mga maldisyon na nasusurat sa Katogonan ni Moises, an saimong sorogoon.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Levitico 27:34

Iyo ini an mga pagboot na itinao nin Kagurangnan ki Moises duman sa Bukid nin Sinai para sa banwaan nin Israel.

Sofonias 3:7

Naghona ako na an sakong banwaan magalang sako asin maako kan sakong pagdidisiplina, na dai nanggad ninda malilingawan an adal na itinukdo ko sainda. Alagad dai nahaloy, nagbalik sinda sa dati nindang maraot na mga gibo.

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Deuteronomio 6:1

“Iyo ini an gabos na togon na ipinagboot nin Kagurangnan, na saindong Dios, na itukdo ko saindo. Otobon nindo ini duman sa daga na saindong lalaogon asin sasadirihon.

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”