Nehemias 1:3 - Marahay na Bareta Biblia

³ Sinabihan ninda ako, “An mga natada sa probinsya na nakaligtas sa pagtapokan nasa dakulang kasakitan saka kasosopgan; narumpag an mga kudal nin Jerusalem asin an mga trangkahan kaini nasulo.”

Nehemias 1:3 ပူးပေါင်းရင်းမြစ်များ

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

2 Mga Hade 25:10

An mga kudal sa palibot kan Jerusalem ginaba kan mga soldados ni Nebuzaradan.

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Esdras 2:1

Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 5:8

“Mahal na Emperador, kaipuhan na maaraman mo na nagduman kami sa probinsya nin Juda asin nahiling mi an hinihirahay na Templo kan dakulang Dios. Dakulang mga gapo saka kahoy an ginagamit sa pagtugdok asin padagos an maigot saka marahay na pagtrabaho.

Nehemias 11:3

An banwaan nin Israel, an mga padi, mga Levita, mga trabahador sa Templo asin an mga kapagarakian kan mga sorogoon ni Solomon nag-erok sa ibang mga banwa saka mga syudad sa sadiri nindang rogaring. Iyo ini an lista kan mga ginagalangan na mga namamanwaan sa probinsya nin Juda na nag-erok sa Jerusalem:

Nehemias 2:13

Banggi pa kan ako magluwas asin mag-agi sa Trangkahan nin Kapantayan na nasa solnopan dangan nagpasiring ako sa habagat sa Burabod nin Dragon sagkod sa Trangkahan nin mga Ati. Siniyasat ko an narumpag na mga kudal kan syudad asin an nasulong mga trangkahan.

Nehemias 2:17

Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 2:3

nagsimbag, “Mabuhay logod sagkod lamang an mahal na emperador! Tadaw ta dai ako magmondo mantang rumpag an syudad na pinaglubongan kan sakong mga ginikanan, asin nasulo an mga trangkahan kaiyan?”

Nehemias 7:6

Dakul an mga itinapok na nagbalik sa Jerusalem asin sa Juda hale sa probinsya nin Babilon; an lambang saro nagbalik sa sadiri niyang banwa. An saindang mga pamilya haloy nang nag-erok sa Babilonia magpoon kan mabihag sinda ni Hadeng Nebukadnezzar.

Esther 1:1

Hale sa saiyang trono sa Susa, an pangenot na syudad nin Persia, naghade si Hadeng Jerjes magpoon sa India sagkod sa Etiopia; syento beynte y syete gabos na probinsya an sakop niya.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Mga Talinhaga 25:28

An tawo na dai tataong magpugol sa sadiri garo syudad na sinalakay nin kaiwal saka binayaan na mayo nin kudal.

Isaias 43:28

asin binasang-basang kan saimong mga pamayo an sakong santwaryo. Kaya pinabayaan kong mapahamak an Israel; itinugot kong pag-olog-ologon an sadiri kong banwaan.”

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Jeremias 52:14

An mga kudal sa palibot kan Jerusalem ginaba kan mga soldados ni Nebuzaradan.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Mga Panambitan 3:61

“Nadangog mo sindang iniinsulto ako, Kagurangnan, asin aram mo an mga plano ninda laban sako.

Mga Panambitan 5:1

Giromdoma, Kagurangnan, an nangyari samo; masdan mo kami asin hilinga an samong kasosopgan.

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.