Nehemias 1:2 - Marahay na Bareta Biblia

² Si Hanani, saro kan sakuyang mga tugang, nag-abot hale sa Juda kaiba an sarong grupo nin mga lalaki, asin hinapot ko sinda dapit sa Jerusalem saka manongod sa mga Judio na nakabalik hale sa pagtapokan sa Babilonia.

Nehemias 1:2 ပူးပေါင်းရင်းမြစ်များ

Genesis 14:10

Sa Kapantayan nin Siddim kadakul an mga kalot na igwang aspalto, kaya kan magdulag sa ralaban an mga hade kan Sodoma asin Gomorra, nahulog sinda duman; alagad an tolong hade nakadulag sa kabubuldan.

2 Mga Hade 24:14

Binihag niya an mga taga Jerusalem, an gabos na aking lalaki kan hade, asin an mga ginagalangan na tawo kan banwaan na uminabot sa sampolong ribo gabos an bilang. Binihag man niya an gabos na ekspertong trabahador, pati an mga panday; mayo siya nin itinada kundi an pinakadukhang mga tawo sa Juda.

2 Mga Hade 25:12

Alagad iwinalat niya sa Juda an nagkapira sa pinakadukha tanganing magtanom nin ubas saka magtrabaho sa daga.

Esdras 9:14

Lalapason pa daw giraray nyamo an saimong mga togon asin makipag-agoman sa mga tawong ini na naggigibo nin makauuyam na mga bagay? Kun gibohon mi iyan, maaanggot ka nin makuri samo asin tutunawon mo kami sagkod na mayo na nin matada samo.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Jeremias 44:14

Mayo kan mga natada sa Juda na nag-eerok na sa Egipto an makakadulag o mabubuhay. Ni saro sa sainda dai makakabalik sa Juda, na boot nindang pag-erokan giraray. Mayo nin makakabalik pwera kan kadikit na makakadulag.”

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.