Nehemias 1:11 - Marahay na Bareta Biblia

¹¹ Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 1:11 ပူးပေါင်းရင်းမြစ်များ

Genesis 24:42

“Pag-abot ko sa bubon kasubago, namibi ako, ‘Kagurangnan, Dios nin sakong kagurangnan na si Abraham, tawe ako nin marahay na palad sa gigibohon ko.

Genesis 32:11

Nakikimaherak ako na iligtas mo ako sa tugang kong si Esau, huli ta natatakot ako saiya; tibaad salakayon asin gadanon niya kami gabos sagkod an kababaehan saka kaakian.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 40:1

Dai nahaloy, nagkasala sa hade kan Egipto an saiyang kopero saka an saiyang panadero.

Genesis 40:2

Naanggot an hade sainda

Genesis 40:21

Ibinalik niya sa dating katongdan an saiyang kopero

Genesis 40:23

Alagad dai nagiromdoman si Jose kan kopero kan hade; nalingawan na siya kaini.

Genesis 41:9

Dangan nagsabi sa hade an saiyang kopero, “Nagiromdoman ko ngunyan an kasalan ko.

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

2 Mga Cronica 6:40

“Ngunyan, O sakuyang Dios, hilinga kami asin hinanyoga an pamibi na idinolot sa lugar na ini:

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

Nehemias 2:1

Pakalihis nin apat na bulan, kan nagkakakan an emperador na si Artajerjes sarong aldaw kan bulan nin Nisan, dinarahan ko siya nin arak. Dai pa lamang niya ako nahiling na mamondo kaidto,

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Salmo 106:46

Pinangagin niyang maherakan sinda kan mga nagsakop sa sainda.

Salmo 130:2

Kagurangnan, dangoga an sakong tingog! Hinanyoga an sakong mga pakimaherak!

Salmo 61:5

O Dios, an sakuyang mga panuga nadangog mo; itinao mo sako an pamana kan mga may pagkatakot saimo.

Salmo 86:6

Hinanyoga, Kagurangnan, an sakong pamibi; himatea an tingog nin sakong pakimaherak.

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Jeremias 42:12

Maheherakan ko kamo tanganing maherakan man kamo kan hade asin tugotan kamong magdanay sa saindong daga. Ako, an Kagurangnan, an nagtaram.’

Malakias 3:16

Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Hebreyo 13:18

Ipamibi nindo kami. Aram nyamo na malinig an samong konsyensya, nagmamawot na gibohon an matanos sa gabos na panahon.