Nahum 3:6 - Marahay na Bareta Biblia

⁶ Tatapokan taka nin ati dangan pag-oolog-ologon. An mga tawong makahiling matatakot saimo.

Nahum 3:6 ပူးပေါင်းရင်းမြစ်များ

An Libro ni Job 30:19

Itinatapok niya ako sa laboy asin ako nagin arog sa alpog saka abo.

An Libro ni Job 30:8

Sinda sarong grupo nin mayong halaga na mga tawo, na pinalayas sa daga.

An Libro ni Job 9:31

Itatapok ako nin Dios sa kalot nin ati, asin ikakasopog ako maski kan sakong mga gubing.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Mga Panambitan 3:16

Ilinampaso niya sa daga an sakong lalawogon asin rinonot niya sa kagapoan an sakong mga ngipon.

Ezekiel 16:37

kaya uya, titiponon ko an mga dati mong kadorogan—an mga namotan mo asin an mga naongisan mo. Dadarahon ko sinda sa palibot mo dangan huhubaan taka tanganing mahiling ninda an saimong pagkani-huba.

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Malakias 2:9

Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

1 Corinto 4:13

kun kami linilibak, sinisimbag mi nin pakipagkatood. Garo na kami basura sa kinaban na ini—mga mayong pakinabang sa kinaban sagkod sa oras na ini!

1 Corinto 4:9

Naiisip ko na kaming mga apostol ibinugtak nin Dios sa pinakahuring lugar na garo mga tawong hinatolan nin kagadanan, na ipinaparada sa atubang kan bilog na kinaban nin mga anghel asin nin mga tawo.

Hebreyo 10:33

May mga panahon na pinag-olog-olog saka pinasakitan kamo nin hayag; may panahon man na kadamay kamo kaidtong pinasakitan nin siring kaini.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.