Nahum 3:15 - Marahay na Bareta Biblia

¹⁵ Maski ano pa an saimong gibohon, masusulo ka man giraray o magagadan sa ralaban. Mapupuho ka siring sa mga tinanom na kinakan nin mga doron. Nagdakul ka siring sa mga doron!

Nahum 3:15 ပူးပေါင်းရင်းမြစ်များ

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Joel 1:4

Grupo-grupong mga doron an nagtugdon sa mga tinanom; an nalihisan kan sarong grupo, kinakakan kan masunod.

Joel 2:25

Ibabalik ko saindo an nawara nindo sa mga taon kan kakanon kan mga doron an saindong mga tinanom. Ako an nagpadara kan mga doron laban sa saindo.

Amos 7:1

Nagkaigwa ako nin sarong bisyon na hale sa Kagurangnan Dios. Sa bisyon na iyan nahiling ko siyang naglalalang nin kadakul na doron kan naputol na an mga dagaming kahirasan kan hade, asin kan nagpopoon nang magtalubo an doot.

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Nahum 3:13

An saimong mga soldados garo mga babae, asin an saimong daga mayo nin depensa laban sa saimong mga kaiwal. Tututongon nin kalayo an mga barat kan saimong mga trangkahan.

Sofonias 2:13

Gagamiton nin Kagurangnan an saiyang kapangyarihan tanganing raoton an Asiria. An syudad nin Nineve gigibohon niyang sarong raot na lugar na mayo nin tawo, sarong mayo nin tubig na desyerto.