Nahum 3:13 - Marahay na Bareta Biblia

¹³ An saimong mga soldados garo mga babae, asin an saimong daga mayo nin depensa laban sa saimong mga kaiwal. Tututongon nin kalayo an mga barat kan saimong mga trangkahan.

Nahum 3:13 ပူးပေါင်းရင်းမြစ်များ

Salmo 107:16

Huli ta ginagaba niya an mga bronseng pintoan asin pinuputol an mga barat na lansang.

Salmo 147:13

Huli ta pinapakosog niya an mga trangkahan mo; benebendisyonan niya an mga kaakian mo.

Isaias 19:16

Maabot an panahon na an mga taga Egipto makakaarog sa mga babae. Pagtatakigan sinda sa takot kun mahiling nindang ibinikyaw na nin Kagurangnan nin mga hukbo an saiyang kamot sa pagpadusa sainda.

Jeremias 50:36

Kagadanan para sa mga putikon na propeta niya— mga lolong nanggad sinda! Kagadanan para sa saiyang mga soldados— dai mahorophorop an takot ninda!

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Obadias 1:9

An makokosog na lalaki nin Teman magkakatarakot, asin an lambang soldados nin Edom magagadan.

Nahum 2:6

An mga trangkahan sa may salog nagkaburukasan na; napano na nin kahandalan an palasyo.

Nahum 2:7

Nabihag na an reyna; nag-aaguro siring sa mga salampati an sorogoon niyang mga babae asin pinagtutumbok ninda an saindang daghan sa kamondoan.

Nahum 3:15

Maski ano pa an saimong gibohon, masusulo ka man giraray o magagadan sa ralaban. Mapupuho ka siring sa mga tinanom na kinakan nin mga doron. Nagdakul ka siring sa mga doron!