Nahum 3:11 - Marahay na Bareta Biblia

¹¹ Nineve, mabagsak ka man sa ngana-nganang pagkaburat! Hihingowahon mo man na makadulag sa saimong mga kaiwal.

Nahum 3:11 ပူးပေါင်းရင်းမြစ်များ

Salmo 75:8

Kapot nin Kagurangnan an sarong kalis, pano nin maisog na arak nin saiyang kaanggotan. Iuula niya iyan, asin iinomon kan gabos na tampalasan; iinomon sagkod na maubos.

Isaias 2:10

Magtago kamo sa mga lungib sa kagapoan asin sa mga kalot sa daga; magdulag kamo sa atubang kan kaanggotan nin Kagurangnan, patin sa kamurawayan nin saiyang kamahalan.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 29:9

Magpadagos kamo sa pagigin lolong! Magpadagos kamo sa pagigin sarong buta! Magburat kamo maski mayo nin arak! Magsayasay kamo maski dai nakainom minsan sarong tagdo!

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Jeremias 4:5

Patanoga an trompeta sa bilog na daga! Pagkurahaw nin makosog saka malinaw! Sabihi an mga taga Juda asin mga taga Jerusalem na magdaralagan pasiring sa pinapusog na mga syudad.

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Nahum 1:10

Arog sa nagkagurumos na mga tonok asin alang na dagami matututong kamo!

Nahum 2:1

Nineve, sinasalakay ka! An kapangyarihan na marumpag saimo nagdatong na. Bugtaki nin mga bantay an mga depensa! Bantayi an mga tinampo! Pag-andam sa pakilaban! (

Lukas 23:30

Sa panahon na iyan, an mga tawo masabi sa mga bukid, ‘Rumpagi nindo kami!’ dangan sa mga bulod, ‘Tambonan nindo kami!’

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 14:11

Kaya nagpahiling sinda sa mga Filisteo asin nagsarabi an mga ini, “Hilinga! Nagruluwas sa saindang mga pinagtatagoan na lungib an nagkapirang mga Hebreyo!”