Nahum 2:8 - Marahay na Bareta Biblia

⁸ Arog sa tubig hale sa nagabang dike an mga tawo nagdadaralagan hale sa Nineve! “Ontok! Ontok!” an nadangog na kurahaw— alagad maski saro mayong nagbalik.

Nahum 2:8 ပူးပေါင်းရင်းမြစ်များ

Genesis 10:11

Hale sa dagang ini nagduman siya sa Asiria asin itinugdok an mga syudad nin Nineve, Rehobot-ir, Cala,

Isaias 13:14

“Madaralagan papuli sa saindang sadiring daga an mga dayuhan na nag-eerok sa Babilon. Magkakawararak sinda siring sa mga usa na nagdudurulag sa paraayam, garong mga karnero na mayo nin pastor.

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Isaias 47:13

Mayo ka nin nagiginibo maski kadakul na kan hatol saimo. Padoloka an saimong mga astrologo asin magpatabang ka sainda— sinda na nag-aadal kan mga bitoon, na naggigibo nin mapa kan kalangitan asin nagsasabi saimo bulan-bulan kun ano an mangyayari saimo.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 47:3

Madadangog ninda an tanog kan nagdadalagan na mga kabayo, an kinadalkadal kan mga karwahe, an rinagot kan mga rweda. Dai na babalikan kan mga ama an saindang mga aki; luluyahon an saindang mga kamot.

Jeremias 50:16

Puhoa an lambang paratanom sa Babilonia, asin an lambang paraani na may darang asyab. An lambang dayuhan na nag-eerok duman matatakot sa nagsasalakay na hukbo, kaya an lambang saro sainda mabalik sa sadiri niyang daga.”

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Nahum 3:17

An saimong mga opisyal nakakaagid sa sarong ariponpon nin mga doron na nagtutugdon sa mga kudal sa aldaw nin tig-lipot. Alagad pagtunga kan aldaw, minaralayog sinda, asin mayong nakakaaram kun saen sinda nagduman!

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.

Kapahayagan 17:15

Nagsabi pa sako an anghel, “An nahiling mong mga tubig na natutukawan kan maraot na babae iyo an mga banwaan, mga katawohan, mga rasa asin mga lengwahe.