Nahum 2:4 - Marahay na Bareta Biblia

⁴ Marikas na nagdadalagan an mga karwahe sa mga tinampo, pabalik-balik sinda sa mga plasa kan syudad. Nagsisilyab sinda siring sa mga karaba asin marikas na minahiro arog sa kikilat.

Nahum 2:4 ပူးပေါင်းရင်းမြစ်များ

Mga Talinhaga 31:21

Dai siya nahahadit kun tiglipot huli ta an saiyang pamilya igwa nin mahimbong na gubing.

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

Ezekiel 23:24

Sasalakayon ka ninda hale sa amihan, kaiba an dakulang hukbo saka mga karwahe asin mga lunadan nin armas. Papalibotan ka kan hukbong ini na armado nin kalasag saka helmet, dangan huhukoman ka ninda sosog sa saindang mga pagsusundon.

Ezekiel 26:10

Matatahoban ka kan alpog na maitaas huli sa pagpadalagan ninda kan saindang mga kabayo. Huli kan ribok kan saindang mga kabayo na nagguguyod kan mga karwahe saka mga lunadan nin mga kagamitan, matatanyog an saimong mga kudal mantang naglalaog sinda sa mga trangkahan kan narumpag na syudad.

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.