Nahum 2:3 - Marahay na Bareta Biblia

³ Pulang mga kalasag an dara kan kaiwal na mga soldados asin pula an sulot nindang gubing. Nag-aandam na sinda sa pagsalakay! Nagsisilyab arog sa kalayo an saindang mga karwahe! Naglulukso an saindang mga kabayo!

Nahum 2:3 ပူးပေါင်းရင်းမြစ်များ

An Libro ni Job 39:23

Sa ibabaw niya nagkakarantog an lalagan nin mga bosog, an nagsisilyab na garod asin an bodyak.

Salmo 80:13

Sinusungkal kan opon sa kadlagan, sinasabsab kan mga hayop sa kapatagan.

Isaias 14:8

An mga kahoy na sipres saka sedro nin Lebanon nag-oogma sa pagbagsak kan hade, huli ta mayo na nin mapalod sainda, ngunyan na mayo na siya!

Ezekiel 23:24

Sasalakayon ka ninda hale sa amihan, kaiba an dakulang hukbo saka mga karwahe asin mga lunadan nin armas. Papalibotan ka kan hukbong ini na armado nin kalasag saka helmet, dangan huhukoman ka ninda sosog sa saindang mga pagsusundon.

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Nahum 3:2

Dangoga! An lagapak kan pamakol, an karatongkatong nin mga rweda, an paradagpadag nin mga kabayo, an ribok nin mga karwahe!

Zacarias 1:8

Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.

Zacarias 11:2

Paghibi asin paghaya, mga kahoy na sipres— nagkaturumba na an mga sedro; nagkararaot na an mamuraway na mga kahoy na idto! Paghibi asin paghaya, mga hamurawon nin Basan— purotol na an kakahoyan sa mahibog na kadlagan!

Zacarias 6:2

An enot na karwahe guyod nin pulang mga kabayo, an ikaduwa nin itom na mga kabayo,

Kapahayagan 12:3

Saro pang tanda an nagtunga sa langit; igwa nin sarong dakulang dragon na kolor pula, may pitong payo saka sampolong sungay, asin may korona an lambang payo kaiyan.

Kapahayagan 6:4

Nagluwas naman an sarong kabayong pula. An nangangabayo tinawan nin kapangyarihan na magdara nin gera sa kinaban tanganing an mga tawo maggaradanan. Tinawan siya nin sarong dakulang espada.