Nahum 2:13 - Marahay na Bareta Biblia

¹³ “Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Nahum 2:13 ပူးပေါင်းရင်းမြစ်များ

2 Mga Hade 18:17

Huli kaini an Tartan, an Rabsaris asin an Rabsake kaiba an dakulang hukbo, sinugo kan emperador nin Asiria ki Ezekias duman sa Jerusalem. Pag-abot ninda sa Jerusalem, nagtindog sinda sa may kali na pinagbubulosan kan tubig hale sa itaas na sapa, sa dalan saen nagtatrabaho an mga paragibo nin tela.

2 Mga Hade 18:19

Sinabihan sinda kan opisyal, “Sabihan nindo si Hadeng Ezekias na boot maaraman kan dakulang emperador nin Asiria kun ano an nagpapakosog kan saiyang boot.

2 Mga Hade 19:23

Ipinadara mo an saimong mga sugo tanganing maghambog sako na huli kan kadakul mong karwahe nasakop mo an haralangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres asin naabot mo an pinakapusod kan kadlagan.

2 Mga Hade 19:9

Nakaabot sa emperador nin Asiria an bareta na sasalakayon siya ni Hadeng Tirhaka nin Etiopia. Kaya nagpadara siya nin surat ki Hadeng Ezekias nin Juda

2 Mga Cronica 32:19

Nagtaram sinda manongod sa Dios nin Jerusalem siring kan pagtaram ninda manongod sa mga dios-dios kan mga banwaan nin daga, mga dios-dios na gibo kan mga kamot nin tawo.

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Jeremias 21:13

Nagtutukaw ka, Jerusalem, sa itaas kan mga kapantayan, arog sa gapo na nasa tahaw nin kahiwasan. Alagad ako kalaban mo. Sinasabi mo na mayo nin makakasalakay saimo o maglaog sa saimong mga bantayan.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 50:31

“Babilonia, pano ka nin kapaabaw-abawan, kaya ako, an Kagurangnan Dios nin mga hukbo, kalaban mo. Nag-abot na an saimong aldaw, an panahon tanganing padusahan taka.

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Ezekiel 13:8

Kaya nagsasabi an Kagurangnan Dios sa sainda: “Kaputikan an saindong mga tataramon asin bakong totoo an saindong mga bisyon, kaya kalaban ko kamo.

Ezekiel 21:3

na ako, an Kagurangnan, an nagtataram: Kalaban nindo ako. Huhugkoton ko an sakong espada asin gagadanon ko kamo gabos, matanos man o maraot.

Ezekiel 26:3

“Kaya iyo ini an itinataram ko, an Kagurangnan Dios: Kalaban mo ako, syudad nin Tiro, asin dadarahon ko an dakul na nasyon tanganing salakayon ka. Maabot sinda siring sa mga alon kan dagat.

Ezekiel 28:22

Sabihan mo an mga tawo duman na iyo ini an itinataram ko, an Kagurangnan Dios: Kalaban taka, Sidon; oomawon ako kan ibang banwaan huli kan gigibohon ko saimo. Maaaraman ninda na ako an Kagurangnan kun ipahiling ko nang banal ako huli sa pagpadusa ko sa mga nag-eerok diyan saimo.

Ezekiel 29:10

kalaban taka asin an saimong Nilo. An bilog na Egipto gigibohon kong sarong alang saka mamondong daga magpoon sa syudad nin Migdol sa amihan sagkod sa syudad nin Aswan sa habagat dangan sagkod sa pagdolonan kan Etiopia.

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Ezekiel 35:3

Sabihan mo sinda na ini an itinataram nin Kagurangnan Dios: “Kalaban taka, kabukidan nin Edom! Ibibikyaw ko an sakong kamot laban saimo dangan gigibohon takang sarong mamondo saka alang na daga.

Ezekiel 38:3

asin sabihan mo na ini an itinataram ko, an Kagurangnan Dios: Kalaban ko siya.

Ezekiel 39:1

Nagtaram an Kagurangnan Dios, “Aki nin tawo, kondenaron mo si Gog, an pinakapamayo kan mga nasyon nin Mesek saka Tubal, asin sabihan mo siya na kalaban ko siya.

Ezekiel 5:8

Kaya ako, an Kagurangnan Dios, minataram saimo na kaiwal mo ako. Huhukoman taka sa atubang kan mga nasyon.

Nahum 2:12

Ginadan kan leon an saiyang biktima dangan pinedaso para sa saiyang agom saka mga ogbon; pinano niya an saiyang lungib nin mga pinedasong karne.

Nahum 3:1

Herak man sa putikon, asin paragadan na syudad, na pano nin kayamanan na sasamsamon asin aagawon!

Nahum 3:12

An saimong mga bantayan makakaagid sa mga poon nin higera na hinog na an bunga: yugyoga an poon, asin mahuhulog an bunga sa ngoso kan makakan!

Nahum 3:15

Maski ano pa an saimong gibohon, masusulo ka man giraray o magagadan sa ralaban. Mapupuho ka siring sa mga tinanom na kinakan nin mga doron. Nagdakul ka siring sa mga doron!

Nahum 3:5

An Kagurangnan nin mga hukbo nagsasabi, “Papadusahan taka, Nineve! Huhubaan taka asin ipapahiling ko sa mga nasyon an saimong pagkanihuba, sa bilog mong kasosopgan.

Josue 11:6

Tinaraman nin Kagurangnan si Josue, “Dai ka matakot sainda. Sa siring na oras sa aga, garadan nang itatao ko sinda sa Israel; pipilayan nindo an saindang mga kabayo asin susuloon an saindang mga karwahe.”

Josue 11:9

Ginibo sainda ni Josue an ipinagboot nin Kagurangnan: pinilayan niya an saindang mga kabayo asin sinulo an saindang mga karwahe.