Nahum 2:12 - Marahay na Bareta Biblia

¹² Ginadan kan leon an saiyang biktima dangan pinedaso para sa saiyang agom saka mga ogbon; pinano niya an saiyang lungib nin mga pinedasong karne.

Nahum 2:12 ပူးပေါင်းရင်းမြစ်များ

2 Samuel 17:8

Ika an nakakaaram na an saimong ama asin an saiyang mga tawohan mga maiisog na lalaki; siring sinda kaisog sa sarong ina nin mga oso na hinabonan nin saiyang mga ogbon duman sa oma. Paralaban an saimong ama asin dai nakikisumaro sa saiyang mga tawohan pagkabanggi.

Salmo 17:12

Naghahalat sinda sako na garong mga leon, naghahalat nganing ako ronoton.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Nahum 2:11

Haen na ngunyan an syudad na kaidto arog sa lungib nin mga leon, saen binabahog an mga ogbon na leon, na dinudumanan kan mag-agom na leon, saen ligtas an saindang mga ogbon?

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.