Nahum 2:11 - Marahay na Bareta Biblia

¹¹ Haen na ngunyan an syudad na kaidto arog sa lungib nin mga leon, saen binabahog an mga ogbon na leon, na dinudumanan kan mag-agom na leon, saen ligtas an saindang mga ogbon?

Nahum 2:11 ပူးပေါင်းရင်းမြစ်များ

Genesis 49:9

Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

Isaias 13:7

Kaya panruruluyahon an gabos na kamot asin mawawaraan nin kosog nin boot an gabos na tawo.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Isaias 5:29

An saindang mga soldados minaungal na garo mga leon na nakagadan nin sarong hayop dangan dinadara ini sa lugar na mayo nin makakaagaw kaiyan sainda.

Jeremias 2:15

Nag-urungal sinda saiya na garo mga leon; ginibo nindang desyerto an saiyang daga, asin rinaot ninda an saiyang mga banwa, kaya mayo na nin nag-erok duman.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:44

“Arog sa sarong leon na minaluwas sa kadlagan nin Jordan asin minapasiring sa berdeng dagang pasabsaban, maabot ako, saka bigla kong isusubol an mga taga Babilonia hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Ezekiel 32:2

“Aki nin tawo, patanidan mo an hade nin Egipto asin itao mo saiya an mensaheng ini: Garo ka leon kun minahiro sa atubang kan mga nasyon, alagad orog kang nakakaarog sa sarong buayang naglalangoy-langoy sa salog. Pinapalabog mo an tubig huli kan saimong mga bitis asin dinidigtaan mo an mga salog.

Joel 2:6

Sa atubang ninda, nagkakatarakot an mga tawo; nanlolongsi an lambang saro.

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Nahum 2:12

Ginadan kan leon an saiyang biktima dangan pinedaso para sa saiyang agom saka mga ogbon; pinano niya an saiyang lungib nin mga pinedasong karne.

Nahum 3:1

Herak man sa putikon, asin paragadan na syudad, na pano nin kayamanan na sasamsamon asin aagawon!

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.