Nahum 2:10 - Marahay na Bareta Biblia

¹⁰ An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Nahum 2:10 ပူးပေါင်းရင်းမြစ်များ

Genesis 1:2

an kinaban mayo nin ano man na porma saka laog. An nag-aalimbukay na kadagatan na minatahob kaini napapatos nin kadikloman asin an espiritu nin Dios naghihiro sa ibabaw kan katubigan.

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 21:3

An nahiling saka nadangog ko sa bisyon nagdara sako nin kamondoan asin kulog, kulog na arog kan namamatean nin sarong babaeng nangangaki.

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Jeremias 30:6

Pag-ontok ngunyan saka paghorophorop! Mangangaki daw an sarong lalaki? Tadaw ta kapot kan lambang lalaki an saiyang tulak arog sa sarong babae na nangangaki? Tadaw ta nanlolongsi an lambang saro?

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Jeremias 51:62

Dangan mamibi ka, ‘Kagurangnan, sinabi mo na raraoton mo an lugar na ini, tanganing mayo na nin mag-erok digdi, tawo man o hayop, dangan magin sarong desyerto ini sagkod lamang.’

Jeremias 8:21

Garo maronot an sakong puso huli ta ronot na an sakong banwaan! Nagmomondo ako; nanluluya nanggad an sakong boot.

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Ezekiel 31:15

Ini an itinataram nin Kagurangnan Dios, “Sa aldaw na an kahoy na iyan magduman sa kinaban nin mga gadan, papalantopan ko iyan sa katubigan na nasa kairaroman bilang pagmondo, asin pupugolon ko an mga salog saka mga sapa tanganing dai magbulos paluwas. Huli ta gadan na an kahoy na iyan, papatoson ko nin kadikloman an kabukidan nin Lebanon, asin maaalang an gabos na kahoy kan kadlagan.

Daniel 5:6

Nanlongsi an hade asin natakot nin marahay kaya nagtakig an saiyang mga tuhod.

Joel 2:6

Sa atubang ninda, nagkakatarakot an mga tawo; nanlolongsi an lambang saro.

Nahum 2:2

Madali nang ibalik nin Kagurangnan an kamurawayan nin Israel, an dating kamurawayan kaini kan dai pa sinasamsaman kan saiyang mga kaiwal.)

Nahum 3:7

Masiribog an gabos na makakahiling saimo. Masarabi sinda, ‘Gaba na an Nineve! Siisay pa an may pagkaherak saiya? Siisay an boot na magranga saiya?’”

Sofonias 3:6

Nagtataram an Kagurangnan, “Pinara ko an mga nasyon; rinaot ko an saindang mga syudad asin binayaan kong rumpag an saindang mga kudal saka mga tore. Nagharale na an mga nag-eerok sa mga syudad; mayo nin tawo sa mga tinampo—mayo nin nawalat maski saro.

Josue 2:11

Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.