Nahum 2:1 - Marahay na Bareta Biblia

¹ Nineve, sinasalakay ka! An kapangyarihan na marumpag saimo nagdatong na. Bugtaki nin mga bantay an mga depensa! Bantayi an mga tinampo! Pag-andam sa pakilaban! (

Nahum 2:1 ပူးပေါင်းရင်းမြစ်များ

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

Salmo 50:14

Atang nin pasalamat idolot mo sa Dios, asin otoba an saimong mga panuga sa Kahorohalangkawe.

Salmo 65:2

huli ta dinadangog mo an mga pamibi. An gabos na tawo saen man na lugar madolok saimo

Isaias 14:6

na sa kaanggotan nang-api nin mga banwaan asin dai nag-ontok sa pagpasakit sa mga nasyon na sinakop ninda.

Isaias 29:7

Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Isaias 29:8

An gabos na nasyon na nagtiripon tanganing salakayon an Jerusalem makakaagid sa sarong nagugutom na lalaki na nangatorogan na siya nagkakakan asin nagimatang nagugutom, o siring sa sarong magagadan sa paha na nangatorogan na siya nag-iinom dangan nagimata na may mamarang halonan.

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 50:23

Minartilyo saka pinasa kan Babilonia an bilog na kinaban, alagad ngunyan putol na asin raot an martilyong iyan! Nagkamorongnan an gabos na nasyon huli kan nangyari sa saiya.