Nahum 1:8 - Marahay na Bareta Biblia

⁸ Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Nahum 1:8 ပူးပေါင်းရင်းမြစ်များ

An Libro ni Job 30:15

Nadadaog ako kan mga kahandalan; arog sa doros na nag-agi an sakong onra, asin garo sarong panganoron na nawara an sakong kauswagan.

An Libro ni Job 40:11

Pabulosa an nagsusupay mong kaanggotan, asin hilinga an gabos na nagpapalangkaw, dangan saimong ibaba.

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 13:9

An aldaw kan Kagurangnan maabot—an makuring aldaw na idto kan saiyang naglalaad na kabangisan asin kaanggotan. An daga magigin sarong kalangtadan asin magagadan an gabos na makasalan.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 28:18

Dangan mawawaraan nin halaga an pakipagtipan nindo sa kagadanan, asin mawawaraan nin halaga an pakipag-oyon nindo sa kinaban kan mga gadan. Pag-agi kan kasakitan, madadaog kamo.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Ezekiel 13:13

Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Daniel 11:22

An siisay man na magsalungat saiya, maski an Halangkaw na Padi nin Dios, magagadan.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Amos 8:8

Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Nahum 2:8

Arog sa tubig hale sa nagabang dike an mga tawo nagdadaralagan hale sa Nineve! “Ontok! Ontok!” an nadangog na kurahaw— alagad maski saro mayong nagbalik.

Sofonias 2:13

Gagamiton nin Kagurangnan an saiyang kapangyarihan tanganing raoton an Asiria. An syudad nin Nineve gigibohon niyang sarong raot na lugar na mayo nin tawo, sarong mayo nin tubig na desyerto.

Mateo 7:27

Nag-uran nin makosog, nagbaha, hinampas nin makosog na doros an harong asin narumpag iyan. Grabe an pagkarumpag kaiyan!”

Mateo 8:12

Alagad an mga aki kan Kahadean, iaapon sa kadikloman sa luwas; duman magtatangis sinda asin magraragot an saindang mga ngipon.”

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.