Nahum 1:7 - Marahay na Bareta Biblia

⁷ Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Nahum 1:7 ပူးပေါင်းရင်းမြစ်များ

1 Mga Cronica 16:34

Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran.

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

2 Mga Cronica 13:18

Kaya nanggana laban sa mga taga Israel an mga taga Juda huli ta nagsarig sinda sa Kagurangnan, an Dios kan saindang mga ginikanan.

2 Mga Cronica 32:11

Sinabihan kamo ni Ezekias na ililigtas kamo kan Kagurangnan na saindong Dios sa samong mga kamot; alagad dinadaya niya kamo asin boot niyang magadan kamo sa gutom saka sa paha.

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

Esdras 3:11

Nagpasirimbagan sinda sa pag-awit nin pag-omaw asin pasasalamat sa Kagurangnan: “An Kagurangnan marahayon, asin an saiyang pagkamoot para sa Israel nagdadanay sagkod pa man.” An gabos na tawo nagkurahaw nin makosog sa pag-omaw sa Kagurangnan, huli ta namugtak na an pundasyon kan Templo.

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 20:1

Simbagon ka logod nin Kagurangnan sa aldaw nin kahorasaan! Surogon ka logod kan Dios ni Jacob!

Salmo 25:8

Marahay saka matanos an Kagurangnan; kaya an mga lagalag tinutukdoan niya kan dalan na dapat lakawan.

Salmo 27:5

Sa panahon nin kasakitan sasangkoban niya ako; tatagoon niya sa laog kan saiyang Templo asin ibubugtak sa ibabaw nin sarong halangkaw na gapo.

Salmo 37:39

Hale sa Kagurangnan an kaligtasan nin mga matanos; siya an saindang pailihan sa panahon nin kasakitan.

Salmo 37:40

Tinatabangan niya sinda asin iliniligtas; iliniligtas niya sa mga maraot na tawo, huli ta saiya sinda minapaili.

Salmo 46:2

Kaya dai kita matatakot maski maliwat an daga, maski mahulog sa irarom kan dagat an kabukidan;

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 59:16

Alagad aawiton ko an saimong kosog; sa pagkaaga aawiton ko an danay mong pagkamoot sa makosog na tingog. Huli ta ika nagin sarong bantayan para sako, sarong pailihan sa panahon nin sakong kasakitan.

Salmo 71:3

Ika logod an magin sakong gapo na pailihan, sarong makosog na bantayan na maligtas sako; huli ta ika an sakong gapo asin bantayan.

Salmo 86:7

Sa aldaw nin sakong kasakitan minaapod ako saimo, huli ta ako sinisimbag mo.

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 17:17

Dai ka logod magin sarong katakotan para sako; ika an sakong pailihan sa aldaw nin kahorasaan.

Jeremias 24:5

“Ako, an Kagurangnan, an Dios nin Israel; arog kan mararahay na higerang ini, ibibilang kong marahay an banwaan na dinarang bihag sa Babilonia.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Mga Panambitan 3:25

An Kagurangnan marahay sa nagsasarig asin naghahanap saiya.

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 6:23

Naogma nin marahay an hade asin nagboot na hawason si Daniel sa kalot. Kaya hinawas ninda si Daniel asin nahiling nindang dai man lamang siya nalugadan, huli ta nagsarig siya sa Dios.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Sofonias 3:12

Iwawalat ko sa tahaw nindo an sarong mapakumbabang banwaan na madolok sako sa paghagad nin tabang.

Mateo 27:43

Nagsasarig siya sa Dios asin sinasabi niya na Aki siya nin Dios; hilingon ta daw kun baga iligtas siya nin Dios ngunyan!”

Mateo 7:23

Dangan sisimbagon ko sinda, ‘Dai ko nanggad kamo midbid. Rumayo kamo sako, mga paragibo nin maraot!’

Juan 10:14

Ako an marahay na pastor. Midbid ako kan Ama asin midbid ko an Ama; siring man, midbid ko an sakong mga karnero asin midbid ninda ako. Idinudusay ko an sakong buhay para sa mga karnero.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Roma 11:22

Diyan ta mahihiling kun gurano kaboot asin kaisog an Dios. Maisog siya sa mga nagkakasala, alagad maboot saimo—kun magdanay ka sa saiyang pagkamaboot. Kun dai, puputolon ka man.

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”