Nahum 1:6 - Marahay na Bareta Biblia

⁶ Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Nahum 1:6 ပူးပေါင်းရင်းမြစ်များ

1 Mga Hade 19:11

Nagtaram an Kagurangnan, “Luwas asin tindog sa alitoktok kan bukid sa atubangan ko.” Dangan nag-agi an Kagurangnan asin sarong makosog na doros an nagbanga kan kabukidan asin nagparasa kan kagapoan, alagad mayo sa doros an Kagurangnan. Nag-ontok sa paghuyop an doros, dangan nagkaigwa nin linog, alagad mayo sa linog an Kagurangnan.

An Libro ni Job 26:11

Sa saiyang pagsagwe, an mga harigi nin kalangitan tinatakigan.

An Libro ni Job 40:11

Pabulosa an nagsusupay mong kaanggotan, asin hilinga an gabos na nagpapalangkaw, dangan saimong ibaba.

An Libro ni Job 9:5

Mayong patanid na hinihiro niya an kabukidan asin sa kaanggotan, tinutunaw niya an mga iyan.

Salmo 130:3

Kagurangnan, kun itinala mo an mga kasalan, siisay an matagal, Kagurangnan?

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Salmo 76:8

Ipinahayag mo an paghukom hale sa langit; natakot an daga asin dai naggirong,

Salmo 90:11

Siisay an nakakasabot kan makuri mong kaanggotan? Siisay an nakakaaram kan takot na dara kan saimong kaanggotan?

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 13:13

Papatakigon ko an kalangitan, asin matatanyog an daga sa saiyang namumugtakan sa aldaw na ako, an Kagurangnan nin mga hukbo, magpahiling kan sakong kaanggotan.

Isaias 27:4

Dai na ako naaanggot sa ubasan. Kun igwa pa sana nin mga tonok saka mga binit na sakong lalabanan, sinulo ko na an mga iyan.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Mga Panambitan 2:3

Sa labi-labing kaanggotan, rinonot niya an kosog nin Israel; sa atubang kan kaiwal, dai niya kami tinabangan. An kaanggotan niya samo siring sa kalayo na minaraot kan gabos.

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Ezekiel 30:16

Susuloon ko an Egipto, asin an Pelusium magkakaigwa nin dakulang kasakitan. Marurumpag an mga kudal nin Tebes asin magbabaha sa syudad na iyan.

Ezekiel 39:6

Mapadara ako nin kalayo sa daga nin Magog asin sa mga baybayon nin dagat saen toninong na nag-eerok an mga tawo, dangan maaaraman nin gabos na ako an Kagurangnan.

Ezekiel 7:8

“Madali ko nang iula saimo an sakuyang kaanggotan; huhukoman taka sosog sa saimong mga ginibo, asin papadusahan taka huli kan saimong makauuyam na mga gawe.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Sofonias 2:2

bago kamo maalang saka magadan siring sa sarong burak, bago mag-abot saindo an naglalaad na kaanggotan nin Kagurangnan, bago mag-abot saindo an aldaw nin pagpahiling niya kan saiyang kaanggotan.

Malakias 3:2

Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Kapahayagan 16:1

Dangan nakadangog ako nin makosog na tingog hale sa templo na nagtataram sa pitong anghel, “Paduman kamo asin iula nindo sa daga an nasa pitong mangko kan kaanggotan nin Dios!”

Kapahayagan 16:8

Dangan inula kan ikaapat na anghel an nasa saiyang mangko duman sa aldaw, asin tinugotan ini na suloon sa init an mga tawo.

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”